ဟားခါးမြို့နယ်အတွင်း စကစရွေးကောက်ပွဲကျင်းပခွင့်ပေးမှာ မဟုတ်ကြောင်း CDF-Hakha ထုတ်ပြန်
ချင်းပြည်နယ်၊ ဟားခါးမြို့နယ်တွင် အာဏာသိမ်းစစ်ကောင်စီက ကျင်းပရန်ပြင်ဆင်ထားသော ရွေးကောက်ပွဲအား CDF-Hakha ကောင်စီက ပြင်းထန်စွာကန့်ကွက်ပြီး ရွေးကောက်ပွဲကျင်းပခွင့်ပေးမှာမဟုတ်ကြောင်း ထုတ်ပြန်လိုက်ပါတယ်။ ဇန်နဝါရီ ၈ရက်နေ့တွင် အာဏာသိမ်းစစ်ကောင်စီက ဟားခါးမြို့တွင်း၌ လှည့်ပက်ကာ အိမ်ထောင်စာရင်းများ ကောက်ယူမည်ဟု လိုက်လံကြေငြာခဲ့သည်။ အာဏာသိမ်းစစ်ကောင်စီ၏ ရွေးကောက်ပွဲဖြစ်မြှောက်ရေးအတွက် ပါ၀င်သူများကို CDF-Hakha ကောင်စီက သတိပေးထားပါတယ်။ “၎င်းရွေးကောက်ပွဲ ဖြစ်မြှောက်ရေး အတွက် ပါဝင်ဆောင်ရွက်သောရုံးနှင့်လူပုဂ္ဂိုလ်၊ ပါဝင်ယှဉ်ပြိုင်သော ပါတီနှင့်လူပုဂ္ဂိုလ်၊ မဲပေးသူ မည်သူမဆို၊ အပြစ်မဲ့ပြည်သူများကိုသတ်ဖြတ်နေသော အကြမ်းဖက်စစ်ခွေးများနှင့်အတူ ပြည်သူလူထု၏ ရန်သူများအဖြစ် သတ်မှတ်ကာ ပြင်းပြင်းထန်ထန် အရေးယူသွားမည် ဖြစ်ကြောင်း၊ အကြမ်းဖက်စစ်ကောင်စီ၏ ရွေးကောက်ပွဲနှင့်ပတ်သက်ပြီး လူပုဂ္ဂိုလ်တစ်ဦးဦးအား ထိခိုက်မှုတစ်စုံတစ်ရာရှိပါက တာဝန်ယူမည်မဟုတ်ကြောင်းနှင့် ၎င်းရွေးကောက်ပွဲ ဆန့်ကျင်ကန့်ကွက်သူ အဖွဲ့အစည်း/လူပုဂ္ဂိုလ်တို့နှင့် ပူးပေါင်း ဆောင်ရွက်သွားမည်” ဟု CDF-Hakha ကောင်စီ ထုတ်ပြန်ထားပါတယ်။ ယနေ့ […]
မလေးရှားနိုင်ငံ ချင်းလူမှုရေးအဖွဲ့အစည်းရုံးခန်း စီးနင်းခံရ
ဇန်န၀ါရီ ၆ရက်ညတွင် မလေးရှားလူ၀င်မှုကြီးကြပ်ရေးတာ၀န်ရှိသူများက ကွာလာလမ်ပူမြို့၊ ဂျလန်အင်ဘီအရပ်၌ အထောက်ထားမဲ့ နိုင်ငံခြားသားများကိုဖမ်းဆီးတဲ့စစ်ဆင်ရေးပြုလုပ်ခဲ့စဉ် ချင်းလူမှုရေးအဖွဲ့အစည်းရုံးခန်းတစ်ခုလည်း စီးနင်းခံခဲ့ရကြောင်း သိရပါတယ်။ စီးနင်းခံရသော အဆိုပါရုံးခန်းသည် မလေးရှားနိုင်ငံရောက် မတူ(ချင်း)မျိုးနွယ်စုများအတွက် သာရေးနာရေးလုပ်ငန်းနှင့် လူမှုရေးအသင်း၀င်ကဒ်များ (Matu Community Member Card) ထုတ်ေ၀ပေးသော မတူလူမှုအဖွဲ့အစည်းရဲ့ ရုံးခန်းဖြစ်ကြောင်း မလေးရှာချင်းလူမှုရေးအဖွဲ့တစ်ခုမှ တာ၀န်ရှိသူတစ်ဦးက ပြောပါတယ်။ “အဲဒီညမှာ မတူလူမှုအဖွဲ့အစည်းရုံးခန်းလည်း စီးနင်းခံရတယ်။ ကျနော်တို့ မလေးရှားမှာ ချင်းမျိုးနွယ်စုအလိုက်ဖွဲ့စည်းထားတဲ့ လူမှုရေးအသင်းအဖွဲ့တွေရှိကြတယ်လေ။ အသင်းအဖွဲ့တိုင်းမှာ လူမှုရေးအသင်း၀င်ကဒ်တွေရှိကြတယ်။ အသင်း၀င်ကဒ်တွေ အသုံးပြုခြင်းအားဖြင့် သာရေးနာရေးလုပ်ငန်းနှင့် ဒုက္ခသည်ကိစ္စတွေဆောင်ရွက်ရာမှာ ပိုပြီးလွယ်ကူတယ်” လို့ မလေးရှာချင်းလူမှုရေးအဖွဲ့တစ်ခုမှ တာ၀န်ရှိသူတစ်ဦးက ပြောပါတယ်။ အဆိုပါ လူမှုရေးအသင်း၀င်ကဒ်များသည် UNHCR အသိမှတ်ပြုသော Card မဟုတ်ပဲ မိမိမျိုးနွယ်စုများအကြား သာရေးနာရေးအတွက် အဓိကထုတ်ေ၀ပေးသော လူမှုရေးကဒ်များသာဖြစ်ကြောင်း ၎င်းကဆက်ပြောသည်။ […]
မီဇိုရမ်တွင် မြန်မာနိုင်ငံသားများစီးလာတဲ့ ကားတိမ်းမှောက်လို့ လူ ၅ဦး သေဆုံး
ယနေ့နံနက်ပိုင်းတွင် အိန္ဒိယနိုင်ငံ၊ မီဇိုရမ်ပြည်နယ်၊ မြန်မာ-အိန္ဒိယနယ်စပ် ဇိုခေါ်သာရ်ရွာမှ အိုင်ဇောလ်မြို့သို့ သွားရောက်သော ခရီးသည်တင်ကားတစ်စီးသည် ကြွန်ဖိုင်မြို့အနီးတွင် ကားလမ်းချော်လို့ တိမ်းမှောက်မှုဖြစ်ပွားပြီး ကလေးတစ်ယောက်မိခင်အပါအ၀င် လူ ၅ဦး သေဆုံးခဲ့ကြပါတယ်။ အဆိုပါကားတွင် ၂နှစ်အရွယ်ကလေးငယ်တစ်ယောက်နှင့် ၎င်းရဲ့မိခင် အပါအ၀င် လူ ၈ဦး စီးလာကြတာပါ။ လူ ၃ဦးမှာ နေရာတွင် ပွဲချင်းပြီသေဆုံးခဲ့ကြပြီး အခြား ၂ဦး ဆေးရုံတွင်သေဆုံးခဲ့ကြပါတယ်။ သေဆုံးသူများထဲတွင် ကလေးအမေဒေါ်ပါရ်ထားလည်း ပါ၀င်ပါတယ်။ ၎င်းရဲ့ ၂နှစ်အရွယ်ကလေးကိုတော့ ဆေးရုံမှာဆေးကုသပေးလျှက်ရှိပါတယ်။ သေဆုံးသူ ၅ဦးထဲတွင် တီာလ်လျန်ကျဲအိုနှင့် ဒေါ်ပါရ်ထားတို့နှစ်ဦးသည် မြန်မာနိုင်ငံသားများဖြစ်ကြကြောင်း မီဇိုရမ်သတင်းတွေကဖော်ပြထားပါတယ်။ ယာဉ်မောင်း၊ ၂နှစ်အရွယ်ကလေးငယ်နှင့် ခရီးသည်အမျိုးသားတစ်ဦးတို့ကို ကြွန်ဖိုင်ခရိုင်ဆေးရုံမှာ ဆေးကုသလျှက်ရှိကြောင်း သိရပါတယ်။
တာဟန်းတွင် စကစတပ်သားတွေ ပစ်ခတ်လို့ ချင်းအမျိုးသားတစ်ဦး သေဆုံး
ယနေ့ ဒီဇင်ဘာ ၂၄ရက် နေ့လယ်ပိုင်း ၁၁နာရီခွဲခန့်က ကလေးမြို့၊ တာဟန်းရပ်ကွက် ၀ယ်စလီဆေးရုံလမ်းခွဲတွင် ဆိုင်ကယ်စီးလာကြတဲ့ ချင်းအမျိုးသား ၂ဦးအား စကစတပ်သားများက သေနက်နဲ့ ပစ်ခတ်လို့ ဦးသရန်ဇေထန်း (၃၅)နှစ် သေဆုံးသွားကြောင်း သတင်းရရှိသည်။ ဦးသရန်ဇေထန်းနှင့် အတူလိုက်ပါတဲ့ အမျိုးသားတစ်ဦးလည်း ဒဏ်ရာရရှိခဲ့ကြောင်း ဒေသခံတစ်ဦးက ပြောပါတယ်။ “သူတို့က ကလေးမြို့နယ် ပျဉ်းခုံကြီးရွာက သာမန်ပြည်သူတွေပါ။ ဦးသရန်ဇေထန်းက ရင်အုံမှာထိပြီး နေရာမှာပဲ သေသွားတယ်။ သူနဲ့လိုက်ပါတဲ့ တစ်ယောက်လည်း ဒဏ်ရာရရှိတယ်။ ဦးသရန်ဇေထန်း အလောင်းကိုတော့ ရွာဖက်ကို သယ်သွားကြပြီလို့ သိရတယ်” လို့ ပြောပါတယ်။ မနက်ပိုင်း ၁၀နာရီခွဲခန့်တွင် တာဟန်းမီးပ္ပိုင့်ရှိ စစ်ကောင်စီတပ်ဖွဲ့အား CDF-KKG တပ်ဖွဲ့ ၀င်များက သွားရောက်တိုက်ခိုက်ပြီး စစ်ကောင်စီတပ်သားတွေရဲ့ သေနက်တစ်လက်သိမ်းဆည်းခဲ့သည်။ CDF-KKG တပ်ဖွဲ့ ၀င်များရဲ့ […]
ကလေးမြို့ တာဟန်းရပ်ကွက်မှာ အမျိုးသားတစ်ဦး ပစ်ခတ်ခံရ
ယနေ့ နေ့လယ်ပိုင်း ၁၁နာရီခွဲခန့်က ကလေးမြို့၊ တာဟန်းရပ်ကွက်မှာ ဆိုင်ကယ်နဲ့ အမျိုးသားတစ်ဦး ပစ်ခတ်ရလို့ ၎င်းဆိုင်ကယ်နှင့်အတူ လဲကျသွားပြီး သေဆုံးခြင်းရှိမရှိ မသိရှိရသေးကြောင်း ဒေသခံတွေက ပြေပါတယ်။ ဝီစလီဆေးရုံလမ်းခွဲမှာ ကင်းထိုင်တဲ့ စစ်ကောင်စီတပ်သားများက ပစ်ခတ်ခြင်းဖြစ်ကြောင်း၊ အခင်းဖြစ်ပွားချိန်တွင် တာဟန်း၌ စစ်ကောင်စီနှင့် တော်လှန်ရေးတပ်ဖွဲ့အကြားပစ်ခတ်မှုမရှိကြောင်း ဒေသံတစ်ဦးကပြောပါတယ်။ ယနေ့ မနက်ပိုင်း ၁၀ နာရီခွဲခန့်တွင် ကလေးမြို့၊ တာဟန်းမီးပ္ပိုင့်ရှိ စစ်ကောင်စီတပ်သားများအား CDF-KKG တော်လှန်ရေးတပ်ဖွဲ့မှ ၀င်ရောက်စီနင်းခဲ့ကြောင်း CDF-KKG မှ ထုတ်ပြန်ချက်အရ သိရသည်။ မီးပ္ပိုင့်ရှိ စစ်ကောင်စီတပ်သားများက CDF-KKG တပ်ဖွဲ့၀င်များချဉ်းကပ်လာသည်ကို မြင်တွေ့ခဲ့ပြီး သေနက်ထားခဲ့ကာ ထွက်ပြေးကြကြောင်း ထုတ်ပြန်ချက်တွင် ဖော်ပြထားသည်။ တာဟန်းမီးပ္ပိုင့်စီးနင်းမှုတွင် CDF-KKG တပ်ဖွဲ့က စစ်ကောင်စီတပ်သေနက် ၁လက်၊ ကျည်ဘောက် ၁ခုနှင့် ကျည်ဆံ ၆၀ […]
ဂန့်ဂေါ်တွင် သာမန်ချင်းအမျိုးသားတစ်ဦးပစ်သတ်ခံရ၊ PDF ဟုသတင်းတုလွှင့်
မနေ့ ဒီဇင်ဘာ ၁၅ရက်၊ ညနေပိုင်း ၃နာရီခန့်တွင် ချင်းပြည်နယ်၊ မတူပီမြို့နယ်မှ ဂန့်ဂေါ်မြို့သို့ အလည်သွားရောက်သော ဆလိုင်းရွှေဘိလျန်အား အမှတ် (၁) ဂန့်ဂေါ်စစ်ဆေးရေးဂိတ်တွင် စကစတပ်သားတွေက ပစ်သတ်ပြီး စကစအာဘော် သတင်းချာနယ်များတွင် PDF ဟုသတင်းတုလွှင့်ခဲ့ကြသည်။ ဆလိုင်းရွှေဘီလျန်သည် မတူပီမြို့နယ်၊ ဇိုတုန်နယ်အတွင်းရှိ တိန်ဆီးကျေးရွာတွင် နေထိုင်သောသာမန်ပြည်သူတစ်ဦးဖြစ်ပြီး ဂန့်ဂေါမြို့ပေါ်တွင်နေထိုင်သည့် အဒေါ်ဖြစ်သူထံသို့ အလည်လာရောက်သူဖြစ်သည်။ “KPK ဆီဆိုင်သို့ ဆိုင်ကယ်ဆီထည့်ရန်သွားနေစဉ် ဆိုင်ကယ်မရပ်ဘဲမောင်းမိရာက စခများက ပစ်ခတ်ခဲ့သဖြင့် ချင်းအမျိုးသားတစ်ဦးဖြစ်သူ ရွှေဘိလျန်သည် ယင်းအမှတ် (၁) ဂိတ်အနီးတွင်ပင် ဆုံးသွားကြောင်းသိရသည်” ဟု ဒေသတွင်း သတင်းချာနယ်တစ်ခုဖြစ်သည့် ယောအလင်းတန်းက ဖော်ပြထားပါတယ်။ ဆလိုင်းရွှေဘိလျန် ပစ်သတ်ခံရသည့်ကိစ္စနဲ့ပတ်သက်ပြီး CDF-Zotung က ၀မ်းနည်းကြောင်းထုတ်ပြန်ထားပါတယ်။ “အပြစ်မဲပြည်သူတစ်ဦးဖြစ်သည့် ဆလိုင်းရွှေဘိလျန်သည် ၁၅၊ ၂၁၊ ၂၀၂၂ တွင် […]
သိက္ခာတော်ရ ဆရာတော်ကို စကစက အလုပ်ကြမ်းနှင့် ထောင်ဒဏ်နှစ် ၂၀ ချ
မန္တလေးမြို့၊ ဖလမ်းနှစ်ခြင်းခရစ်ယာန်အသင်းတော်မှ သင်းအုပ်ဆရာတော်ကြီး သိက္ခာတော်ရဆရာ သျှန်းလျှန်ဆန်း (Rev- Thian Lian Sang) ကို စစ်ကောင်စီက ယမန်နေ့ဒီဇင်ဘာလ ၇ ရက်နေ့က အလုပ်ကြမ်းနှင့် ထောင်ဒဏ် နှစ် ၂၀ ကျော် အမိန့်ချမှတ်လိုက်သည်ဟု သိရသည်။ သိက္ခာတော်ရဆရာ သျှန်းလျှန်ဆန်းကို စစ်ကောင်စီတပ်ဖွဲ့က ပြီးခဲ့သည့် ၂၀၂၁ ခုနှစ် စက်တင်ဘာလ ၁၆ ရက်နေ့က မန္တ လေးမြို့နေအိမ်တွင် ဖမ်းဆီးခဲ့ခြင်းဖြစ်ပြီး ယခုနှစ်ဇွန်လ ၁၅ ရက်နေ့က ပုဒ်မ ၅၀၅(က) ဖြင့်အလုပ်ကြမ်းနှင့် ထောင်ဒဏ် ၃ နှစ်ချမှတ်ခဲ့ပြီးနောက် ဒီဇင်ဘာလ ၇ ရက်နေ့တွင် အကြမ်းဖက်မှုတိုက်ဖျက်ရေးဥပဒေ ၄၉ (က) ဖြင့်အလုပ်ကြမ်းနှင့် ထောင်ဒဏ် နှစ် ၂၀ ထပ်မံချမှတ်ကာ စုစု ပေါင်းထောင်ဒဏ် […]
CDF-Thantlang ထိန်းချုပ်နယ်မြေတွင် အုပ်ချုပ်ရေးမှူးများ တွေ့ဆုံပွဲကျင်းပ
ချင်းပြည်နယ်၊ ထန်တလန်မြို့နယ်၊ CDF-Thantlang ထိန်းချုပ်နယ်မြေအတွင်းရှိ ကျေးရွာအုပ်ချုပ်ရေမှူးများနှင့် ထန်တလန်မြို့နယ်အုပ်ချုပ်ရေးအဖွဲ့မှ တာ၀န်ရှိသူများတွေ့ဆုံပွဲကို နို၀င်ဘာလာ ၂၉ရက်နေ့မှ ၃၀ ရက်နေ့အထိကျင်းပခဲ့ကြောင်း သိရှိရသည်။ လမ်းပန်းဆက်သွယ်ရေး၊ တရားစီရင်ရေး၊ ရဲတပ်ဖွဲ့၊ ကျန်းမာရေးနှင့် ကျေးရွာအတွင်းအုပ်ချုပ်ရေးလုပ်ငန်းများ မှန်မှန်ကန်ကန်လည်ပက်နိုင်အောင် အဓိကထားပြီး ဆောင်ရွက်ခဲ့ကြောင်း ထန်တလန်မြို့နယ်အုပ်ချုပ်ရေးအဖွဲ့၏ ထုတ်ပြန်ချက်တွင် ဖော်ပြထားသည်။ ကျေးရွာအုပ်ရေးမှူးများကို လူထုမှဒီမိုကရေစီနည်းလမ်းအတိုင်းရွေးချယ်ရပြီး တာ၀န်ထမ်းဆောင်ချိန် သက်တမ်းတစ်နှစ်ချမှတ်ထားပါတယ်။ ထန်တလန်မြို့နယ်အုပ်ချုပ်ရေးအဖွဲ့ကို နို၀င်ဘာလ ၂၀၂၁ ခုနှစ်တွင် CDF-Thantlang ထိန်းချုပ်နယ်မြေအတွင်းရှိ ကျေးရွာ ၅၁ မှာ စတင်ဖွဲ့စည်းခဲ့ပြီး ယခုနှစ် နို၀င်ဘာလတွင် သက်တမ်းတစ်နှစ်ပြည့်ခဲ့ပြီဖြစ်သည်။
“မသောက်မိသော မိုးခါးရေ” ရုပ်ရှင်ဇာတ်လမ်း မီဇိုရမ်တွင်ပြသ
မြန်မာ့ရုပ်ရှင်ဒါရိုက်တာ ကိုပေါက်မှ ပုံဖော်ဖန်တီးထားသော “မသောက်မိသော မိုးခါးရေ” ရုပ်ရှင်ဇာတ်လမ်းကို အိန္ဒိယနိုင်ငံ မီဇိုရမ်ပြည်နယ် အိုင်ဇောလ်မြို့တွင် ယနေ့အောက်တိုဘာလ ၂၉ ရက်နေ့တွင် ပြသခဲ့ကြသည်။ ယင်းအစီစဉ်ကို မီဇိုရမ်ပြည်နယ်အခြေစိုက် မြန်မာအရေးတက်ကြွလှုပ်ရှားသူများ၊ စစ်ဘေးရှောင်ကူညီရေးအဖွဲ့ အစည်းများမှ ပူးပေါင်စီစဉ်ဆောင်ရွက်ခြင်းဖြစ်ပြီး အိုင်ဇောလ်မြို့ Dawrpui Multipurpose ခန်းမတွင် ယနေ့ မွန်းလွဲပိုင်း တစ်နာရီတွင် ပြသခဲ့ကြပြီး လာရောက်ကြည့်ရှုသူ ပရိတ်သတ် ၅၀၀ ဝန်းကျင်ခန့်ရှိခဲ့သည်။ ယနေ့ရုပ်ရှင်ပြပွဲတွင် အမျိုးသားညီညွတ်ရေးအစိုးရ NUG လူကယ်ပြန် ဒုဝန်ကြီး ဒေါက်တာငိုင်းတမ်မောင်း၊ NUG ၏ အိန္ဒိယနိုင်ငံဆိုင်သံကိုယ်စားလှယ် ဆလိုင်းအိုက်ဇက်ခင်တို့ က တော်လှန်ရေးအမှာစကားများပြောကြားခဲ့သည်။ ယင်းရုပ်ရှင်ဇာတ်လမ်းတိုကို စစ်အာဏာရှင်စနစ်ကိုဆန့်ကျင်တော်လှန်သူ အနုပညာရှင်တစ်ဦးဖြစ်သည့် ဒါရိုက်တာ ကိုပေါက်က တောတွင်းတနေရာမှာ အိုင်ဖုန်းတလုံးဖြင့် ရိုက်ကူးထားခြင်းဖြစ်ပြီး CDM စစ်ဗိုလ်တစ်ဦး၏ ဖြစ်ရပ်မှန်ကို အခြေခံရိုက်ကူးထားသော […]
ဖားကန့်လေကြောင်းတိုက်ခိုက်မှု သေဆုံးသူ တွေ့ရှိမှု ၈၀ ဝန်းကျင်ထိရှိလာ
ဖားကန့်မြို့နယ် KIA တပ်မဟာ ၉ နယ်မြေတွင် လေကြောင်းလိုင်းဖြင့် ဗုံးကျဲတိုက်ခိုက်ခံရမှုကြောင့် ထိခိုက်ဒဏ်ရာရရှိထားသည့် ပြည်သူ ၁၀၀ ကျော်ကို ဆေးကုသခံယူခွင့်မရအောင် စစ်ကောင်စီတပ်မှ ယနေ့ ည ၇နာရီခွဲအထိ ပိတ်ဆို့ထားဆဲဖြစ်သည်ဟု ဒေသတွင်းသတင်းဌာန Kachin News Group (KNG) ကရေးထားပါတယ်။ ပြင်းထန် ဒဏ်ရာရရှိသူများကို ပြည်သူများကို မြစ်ကြီးနားနှင့် ဖားကန့်ဆေးရုံကြီးများတွင် ဆေးကုသပေးရန်အရေးပေါ်လိုအပ်နေသော်လည်း ဖားကန့်မြို့နယ် ကံဆီးကျေးရွာအထွက်ဂိတ်တွင် စစ်ကောင်စီတပ်မှ လူနားများကို ထွက်ခွင့်မပေးဘဲ တားမြစ်ခံထားရဆဲဖြစ်သည်ဟု လူနာများဆေးကုသခွင့်ရရှိအောင် ကြိုးပမ်းပေးနေသည့် အမျိုးသားတစ်ဦး KNG ကိုပြောသည်။ “မနက်ပိုင်းတော့ လူမှုကူညီရေးအသင်းတွေသွားညှိကြတယ် မရခဲ့ဘူး။ အဲ့ကြောင့် ဖားကန့် KBC အဖွဲ့က ဆရာကြီးအဖွဲ့တွေကိုယ်တိုင် အဲ့ဂိတ်မှာ သွားညှိကြတယ်။ မရခဲ့လို့ ပြန်ခေါက်လာကြတယ်။ ယနေ့ည မိုးချုပ်တဲ့အထိ ဘယ်လိိုမှ […]