ထန်တလန်စစ်ဘေးရှောင် ၂နှစ်ပြည့်ကိုဆုတောင်းခြင်း အစီစဉ်နဲ့ကျင်းပ
ပြည်တွင်းနှင့် ပြည်ပမှာ ခိုလှုံနေထိုင်ကြသော ထန်တလန် စစ်ဘေးရှောင်များက ၎င်းတို့ခိုလှုံရာနေရပ်အသီးသီး၌ ထန်တလန်စစ်ဘေးရှောင်ခြင်း ၂နှစ်ပြည့်ကို ဆုတောင်းခြင်း အစီစဉ်များနဲ့ ကျင်းပပြုလုပ်ကြပါတယ်။ ဟားခါးမြို့မှာ ခိုလှုံနေထိုင်ကြသော ထန်တလန်စစ်ဘေးရှောင်များက စက်တင်ဘာ ၁၀ရက်နေ့မှာ ၎င်းတို့စစ်ဘေးရှောင်းခြင်း ၂နှစ်ပြည့်ကို ဆုတောင်းခြင်းနဲ့ ကျင်းပခဲ့သလို မီဇိုရမ်ပြည်နယ်၊ လောင်တလိုင်မြို့မှာလည်း ထန်တလန်စစ်ဘေးရှောင် ၂နှစ်ပြည့်ကို စက်တင်ဘာ ၁၆ရက်နေ့ ဒီကနေ့မှာ ၀က်ပြုဆုတောင်းခြင်း အစီစဉ်နဲ့ ပြုလုပ်ကြပါတယ်။ “အခုဆိုရင် ကျနော်တို့ စစ်ဘေးရှောင်ဘ၀နဲ့ နေလာတာ ၂နှစ်ရှိသွားပြီ။ အချိန်တွေကြာလာပေမယ့် ဘုရားသခင်ဟာ ကျနော်တို့နဲ့အတူ အမြဲတမ်းရှိတယ် ဆိုတာကို သတိရဖို့လိုအပ်ပါတယ်။ အဲဒါကြောင့် ထန်တလန်စစ်ဘေးရှောင် ၂နှစ်ပြည့်ကို ဆုတောင်းခြင်းနဲ့ ပြုလုပ်ခြင်းဖြစ်ပါတယ်” လို့ လောင်တလိုင်မြို့မှာ စစ်ဘေးရှောင်နေသော ထန်တလန် ဒေသခံ အမှုတော်ဆောင်တစ်ပါးက ပြောပါတယ်။ အောက်တိုဘာ ၂၉ရက်နေ့ […]
ကူကီး-ချင်းတွေနဲ့ ထပ်တူခံစားရကြောင်း မီဇိုရမ်းတွင် ဆန္ဒထုတ်ဖော်
အိန္ဒိယနိုင်ငံ၊ မဏိပူရ်ပြည်နယ်တွင် လူများစု ကသည်းလူမျိုးတွေရဲ့ အကြမ်းဖက်ခြင်းခံရတဲ့ ကူကီး-ချင်း ညီအကိုတွေနဲ့အတူ ထပ်တူထပ်မျှခံစားရကြောင်း မီဇိုပြည်နယ်တွင် ဇူလိုင် ၂၅ရက် ယနေ့တွင် ပြည်နယ်လုံးကျွတ် ဆန္ဒထုတ်ဖော်ပွဲကျင်းပကြပါတယ်။ မီဇိုရမ်ပြည်နယ် မြို့ကြီးများဖြစ်ကြသည့် အိုင်ဇော်လ်၊ ကျွန်ဖိုင်၊ လုံလဲ၊ လောင်တလိုင်နဲ့ အခြားမြို့များတွင် တပြိုင်တည်း ဆန္ဒထုတ်ဖော်ပွဲကျင်းပကြတာပါ။ အိုင်ဇောလ်မြို့ ဆန္ဒပြပွဲတွင် လူတစ်သိန်းကျော်ပါ၀င်ဆင်နွဲကြပြီး အခြားမြို့ကြီးများတွင်လည်း ဆိုင်ခန်းတွေအကုန်ပိတ်ကာ ကူကီး-ချင်း ညီအကိုတွေနဲ့အတူ ထပ်တူထပ်မျှခံစားရကြောင်း လမ်းလျှောက်ဆန္ဒထုတ်ဖော်ပွဲ ကျင်းပကြပါတယ်။ ယခုရက်ပိုင်းအတွင်း လူမှုကွန်ယက်စာမျက်နှာတွင် ကူကီး-ချင်း အမျိုးသမီး ၂ဦးကို ကသည်းလူအုပ်စုက အ၀တ်ဗလာကိုလုံးတည်းနဲ့ ဖမ်းဆီးခေါ်ဆောင်သည့် တုန်လှုပ်ချောက်ချားဖွယ်ရာ ရုပ်သံပျန့်နှံ့လာခဲ့ပြီး အိန္ဒိယနိုင်ငံတွင် အမျိုးသမီးများအပေါ် အကြမ်းဖက်မှု ဆန့်ကျင်သည့် ဆန္ဒပြပွဲတွေ ဖြစ်ပွားနေပါတယ်။
အိမ်နီးချင်းနိုင်ငံရဲ့ နိုင်ငံရေး မစွပ်ဖက်ရန် CNF တိုက်တွန်း
မြန်မာနိုင်ငံရဲ့ လက်ရှိအခြေနေကြောင့် အိမ်နီးချင်းနိုင်ငံများတွင် ခိုလှုံနေထိုင်ကြသော ချင်းလူမျိုးတွေအနေနဲ့ မိမိခိုလှုံနေထိုင်ရာ နိုင်ငံရဲ့ နိုင်ငံရေးကိစ္စမှာ ၀င်ရောက်စွပ်ဖက်ခြင်းမပြုလုပ်ရန်နဲ့ အဆိုပါနိုင်ငံရဲ့ နိုင်ငံသားစီစစ်ရေးကဒ်များကို တရားမ၀င်သော နည်းလမ်းဖြင့် ရယူပိုင်ဆိုင်မှုမျိုး မပြုလုပ်ကြရန် ချင်းအမျိုးသားတပ်ဦး (CNF) က ချင်းပြည်သူတွေကို တိုက်တွန်းပါတယ်။ ထို့အပြင် သူများနိုင်ငံရဲ့ ဉပဒေစိုးမိုးရေးကို ထိခိုက်စေမည့် တရားမ၀င်သော လုပ်ငန်းများတွင် ပူးပေါင်းပါ၀င်ပတ်သက်ခြင်း မပြုလုပ်ကြရန်လည်း CNF က တိုက်တွန်းလိုက်ပါတယ်။ အထူးသဖြင့် ချင်းလူမျိုးများခိုလှုံရာ အိမ်နီးချင်းနိုင်ငံသို့ မှုးယစ်ဆေးဝါး တင်သွင်းခြင်းကို CNF နဲ့ မိတ်ဖက်အဖွဲ့အစည်းတွေက လုံး၀သည်းခံမှာ မဟုတ်ဘူးလို့ CNF က အသိပေးပါတယ်။ အိမ်နီးချင်းနိုင်ငံများတွင် ချင်းလူမျိုးများ လုံခြုံစိတ်ချစွာခိုလှုံနေထိုင်နိုင်ရေးအတွက် အိမ်နီးချင်းနိုင်ငံတွေနဲ့ ကောင်းမွန်သော ဆက်ဆံရေးတည်ဆောက်နိုင်ရန် CNF မှ ကြိုးစားအားထုတ်လျှက်ရှိရာမှာ ချင်းလူမျိုးများကို တန်ပြန်ထိခိုက်စေမည့် […]
ချင်းဒုက္ခသည်စခန်း ၃ခုမှာ ကလေးတွေ ပညာရေး အကူအညီလိုအပ်
မီဇိုရမ်ပြည်နယ်၊ လောင်တလိုင်ခရိုင်အတွင်းရှိ ချင်းဒုက္ခသည်စခန်း ၃ခုမှာ ကလေးတွေ ပညာသင်ကြားနိုင်ရေးအတွက် ကျောင်းသုံးပစ္စည်းအကူအညီတွေ လိုအပ်နေတယ်လို့ ဒုက္ခသည်ကလေးတွေကို ပညာသင်ကြပေးတဲ့ ဆရာတစ်ဦးက အကူအညီတောင်းပါတယ်။ “ပလက်၀ဖက်က ဒုက္ခသည်တွေ အဓိကနေထိုင်တဲ့ သီတလန်ပွီး၊ ကော်ဆော်နဲ့ စုန်တလန်ပွီး ဒုက္ခသည်စခန်းတွေမှာ ကလေးတွေပညာသင်ကြားနိုင်ရေးအတွက် ပြဌာန်းစာအုပ်၊ ဗလာစာအုပ်နဲ့ ခဲတံတွေ အကူအညီ လိုအပ်နေတယ်” လို့ ကျောင်းဆရာ ဆလိုင်းဇာဘွေက ပြောပါတယ်။ သီတလန်ပွီးနဲ့ စုန်တလန်ပွီး ဒုက္ခသည်စခန်းမှာ မူလတန်းကျောင်းတွေ ဖွင့်လှစ်ထားပြီး ကော်ဆော်မှာ အလယ်တန်းကျောင်းအထိ ကိုယ်ထူကိုယ်ထ ဖွင့်လှစ်ကြပါတယ်။ အဆိုပါကျောင်း ၃ကျောင်းတွင်း ပညာသင်ကြားသော ဒုက္ခသည်ကလေး အယောက် ၁၀၀ ခန့်ရှိကြပြီး ကျောင်းတစ်ကျောင်းတွင် ဆရာ၊ ဆရာမ ၃ယောက်ခန့်စီက ပညာသင်ပေးကြပါတယ်။ “ဒီတော်လှန်ရေးဟာ စကစလက်နက်ကိုင်တိုက်ခိုက်ရုံနဲ့မပြီးဘူး၊ ကျနော်တို့မှာကလေးတွေအတွက် ပညာရေးလည်းအရေးကြီးတယ်၊ ပြီးတော့ […]
မီဇိုရမ်၊ စိုင်ဟားမြို့မှာ NUG အသိမှတ်ပြု ဒုက္ခသည်စာသင်ကျောင်း ဖွင့်လှစ်
အိန္ဒိယနိုင်ငံ၊ မီဇိုရမ်ပြည်နယ်၊ စိုင်ဟားမြို့မှာ နေထိုင်ကြသော မြန်မာစစ်ဘေးဒုက္ခသည် ကလေးတွေအတွက် Myanmar Refugee Committee, Saiha (MRCS) က ယနေ့ မေလ ၁၉ရက်နေ့ ညနေပိုင်းတွင် NUG အသိအမှတ်ပြုသော ဒုက္ခသည်စာသင်ကျောင်း ဖွင့်လှစ်ခဲ့ကြောင်း သတင်းရရှိပါတယ်။ ကျောင်းဖွင့်ပွဲကို စိုင်ဟားမြို့ YMA ခန်းမ၌ ယနေ့ညနေ ၃နာရီတွင် ကျင်းပခဲ့ပြီး မြန်မာဒုက္ခသည်ကျောင်းသား ကျောင်းသူများ၊ မိဘများနဲ့ တာ၀န်ရှိပဂ္ဂိုလ်များ ဦးရေ ၂၅၀ ကျော်တက်ရောက်ခဲ့ကြပါတယ်။ အဆိုပါအခမ်းအနားတွင် ချင်းပြည်နယ်လွတ်တော်အမတ်ဟောင်း ဒေါ်နီရွှေလျန်က ဖဲကြိုးဖြတ်ဖွင့်လှစ်ပေးခဲ့ပါတယ်။ စိုင်းဟားမြို့ မြန်မာဒုက္ခသည်ကျောင်း၌ ပညာသင်ကြားဖို့ ကျောင်းသားကျောင်းသူ ဦးရေ ၁၉၂ ယောက် က နာမည်ပေးထားပြီး မေလ ၂၂ရက်နေ့တွင် မြန်မာသင်ရိုးအတိုင်း သင်ကြားရေးစတင်မယ်လို့ စိုင်းဟားမြို့ မြန်မာဒုက္ခသည်ကျောင်း၌ ကျောင်းအုပ်ဆရာကြီး […]
မီဇိုရမ် ဒုက္ခသည်စခန်းတစ်ခုတွင် အတန်းတင်စာမေးပွဲ ကျင်းပ
By Van Bawi Lian | မီဇိုရမ်ပြည်နယ်၊ စီတလန်ပွီး ဒုက္ခသည်စခန်းမှာ ကျင်းပပြုလုပ်သော ချင်းစစ်ဘေးဒုက္ခသည် ကျောင်းသား၊ ကျောင်းသူများရဲ့ အတန်းတင်စာမေးပွဲကို ယနေ့ ဖေဖော်ဝါရီ ၂၅ရက်နေ့တွင် အောင်မြင်စွာပြီးစီးကြောင်း စီတလန်ပွီးဒုက္ခသည်စခန်းက ကျောင်းဆရာတစ်ဦးက ပြောပါတယ်။ စီတလန်ပွီး ဒုက္ခသည်ကျောင်းတွင် ပညာသင်ကြားသူ ကျောင်းသား၊ ကျောင်းသူ အယောက် ၃၀ ရှိကြပြီး ဆရာ၊ ဆရာမ ၃ဦးက ပညာသင်ကြားပေးကြပါတယ်။ “ကျနော်တို့ Sihtlangpui ဒုက္ခသည်ကျောင်းဟာဆိုရင် စင်တင်ဘာလကနေ စတင်ဖွင့်လှစ်ခဲ့တာဖြစ်ပြီး ဆရာ/မ ၃ယောက်ဖြင့် ပညာသင်ကြားခဲတာဖြစ်ပါတယ်။ အခု ဖေဖော်ဝါရီလဆိုရင် တစ်နှစ်တာ သင်ကြားရေးကာလပြီးမြောက်ခဲ့ပြီဖြစ်ပြီး ဖေဖော်ဝါရီ ၂၅ရက်နေ့တွင် စာမေးပွဲဖြေဆိုပြီး ကျောင်းပိတ်ခဲ့ပြီဖြစ်ပါတယ်” လို့ ကျောင်းဆရာတစ်ဦးက ပြောပါတယ်။ စီတလန်ပွီးဒုက္ခသည်စခန်းတွင် ပလက်၀မြို့နယ်ဖက်က ချင်းစစ်ဘေးဒုက္ခသည်တွေ ခိုလှုံနေထိုင်ကြပါတယ်။ […]
လေကြောင်းတိုက်ခိုက်မှုကြောင့် မီဇိုရမ်သို့ ချင်းဒုက္ခသည် ၂၀၀ ခန့်ထပ်မံရောက်ရှိ
By Van Bawi Lian | စစ်ကောင်စီတပ်ရဲ့ လေကြောင်းတိုက်ခိုက်မှုကြောင့် အိန္ဒိနိုင်ငံ၊ မီဇိုရမ်ပြည်နယ်သို့ ချင်းစစ်ဘေးဒုက္ခသည် ၂၀၀ ခန့်ထပ်မံရောက်ရှိလာကြကြောင်း Young Mizo Association (YMA) တာ၀န်ရှိသူတစ်ဦးက The Indian Express ကို ပြောပါတယ်။ စစ်ကောင်စီတပ်က CNF ဌာနချုပ်ကို ဇန်နဝါရီ ၁၀ရက်နှင့် ၁၁ရက်နေ့တွင် လေကြောင်းတိုက်ခိုက်မှုပြုလုပ်ခဲ့ပြီး CNF ဌာနချုပ်အနီးနာရှိ ကျေးရွာများမှ အိမ်ထောင်စု ၅၉စု၊ လူဦးရေ ၂၀၀ခန့်သည် မီဇိုပြည်နယ်၊ ဖာရ်ကောန်ကျေးရွာသို့ ထွက်ပြေးကြခြင်းဖြစ်ပါတယ်။ စစ်ကောင်စီရဲ့ လေကြောင်းတိုက်ခိုက်မှုကြောင့် ထွက်ပြေးသူများထဲတွင် အမျိုးသမီးနှင့် ကလေးငယ်များပါ၀င်ပြီး YMA က တက်နိုင်သည့်ဖက်မှ အကူအညီတွေပေးပါတယ်။ “ကျနော်တို့ တက်နိုင်တဲ့ဖက်ကနေ ကူညီပေးကြတယ်။ အများစုက သူတို့ဆွေမျိုးတွေအိမ်မှာ ယာယီခိုလှုံနေထိုင်ကြတယ်” လို့ […]
အိန္ဒိယနိုင်ငံ ဖာရ်ကောန်ရွာနဲ့ ၇မိုင်ခန့်အကွာတွင် စကစတိုက်လေယာဉ်ဗုံး ကျရောက်ပေါက်ကွဲ
ဇန်နဝါရီ ၁၀ရက်နေ့ ညနေပိုင်းက အိန္ဒိယ-မြန်မာနယ်စပ်ရှိ CNF ဌာနချုပ် လေကြောင်းနဲ့ တိုက်ခိုက်ခံရပြီး စစ်ကောင်စီပစ်ခတ်လိုက်သော ဗုံးတစ်လုံးသည် အိန္ဒိယနိုင်ငံ၊ မီဇိုရမ်ပြည်နယ်အတွင်းရှိ ဖာရ်ကောန်ကျေးရွာနှင့် ၇မိုင် ကျော်ကျော် (၁၂ကီလိုမီတာ) တွင် ကျရောက်ပေါက်ကွဲသွားကြောင်းသိရပါတယ်။ အိမ်နီးချင်းနိုင်ငံအတွင်း စစ်ကောင်စီဗုံးကျရောက်ပေါက်ကွဲသည့်ဖြစ်စဉ်တွင် လူထိခိုက်မှုမရှိသော်လည်း အနီးနားရှိကားတစ်စီး ပျက်ဆီးသွားပါတယ်။ အိန္ဒိယနိုင်ငံ နယ်နိမိတ်အတွင်း စစ်ကောင်စီဗုံးကျရောက်ပေါက်ကွဲသည့် ကိစ္စနှင့်ပတ်သက်ပြီး အိန္ဒိအစိုးရဖက်က ပေါ်ပေါ်ထင်ထင် ပြောဆိုကန့်ကွက်တာမျိုး မရှိသေးပါဘူး။ ဒီမိုကရေစီအရေးလှုပ်ရှားသူ ဆလိုင်းကျဲအိုဘိခ့်ထောင်းက ဒီကိစ္စနဲ့ပတ်သက်ပြီး ယခုအချိန်အထိအိန္ဒိယအစိုးက မျက်လုံးစုံမှိတ် မသိကျိုးကျွန်ပြုသော်လည်း မီဇိုရမ်ပြည်သူများအနေနဲ့ ကိုယ့်နယ်မြေလုံခြုံရေးအတွက် ကန့်ကွက်သင့်ကြောင်း ၎င်းရဲ့လူမှုကွန်ယက်စာမျက်နှာမှာ ရေးသားထားပါတယ်။
ဘင်္ဂလားဒေ့ရှ်မှ ချင်းဒုက္ခသည်များအား နေရပ်ပြန်မပို့ရန် မီဇိုရမ်တွင် ဆန္ဒပြ
ဇန်နဝါရီ ၉၊ ချင်းဂျာနယ် ဘင်္ဂဘားဒေ့ရှ်အစိုးရတပ်နှင့် ကူကီးချင်းအမျိုးသားတပ်မတော် (KCNA) အကြား တိုက်ပွဲကြောင့် နေရပ်စွန့်ခွာထွက်ပြေးလာကြသော ဘောမ်ချင်းနှင့် ကူကီးချင်း စစ်ဘေးဒုက္ခသည်များအား နေရပ်ပြန်မပို့ရန် Central Young Mizo Association (CYMA) ဦးဆောင်မှုဖြင့် ယနေ့တွင် မီဇိုရမ်ပြည်နယ် အိုင်ဇောလ်မြို့၌ ဆန္ဒထုတ်ဖော်ကြပါတယ်။ ဘင်္ဂဘားဒေ့ရှ်အစိုးရတပ်ရဲ့ စစ်ရေးစစ်ဆင်မှုကြောင့် ၂၀၂၂ခုနှစ် နှစ်ကုန်ပိုင်းကစလို့ ချင်းဒုက္ခသည်ရာချီ မီဇိုပြည်နယ်သို့ထွက်ပြေးလာကြပြီး ယခုနှစ် ဇန်နဝါရီလအထိ ဒုက္ခသည်တွေ ဆက်လက်၀င်ရောက်လာကြတယ်လို့ မီဇိုရမ်သတင်းများက ဖော်ပြထားပါတယ်။ မီဇိုရမ်သို့ ၀င်ရောက်လာသော ဘင်္ဂလားဒေ့ရှ် ချင်းဒုက္ခသည်များကို နယ်စပ်၌ အန္ဒိယတပ်ဖွဲ့က အစာရေစာတွေပေးပြီး ကူညီပေးတာတွေရှိသလို မီဇိုအမျိုးသားတပ်ဦး (MNF) နှင့် CYMA က နေရာထိုင်ခင်းနှင့် စာနပ်ရိက္ခအတွက် ဆက်လက်ကူညီဆောင်ရွက်ပေးကြပါတယ်။ မီဇိုလူမျိုးတွေဖြစ်ကြသည့် ဘင်္ဂလာဒေ့ရှ်ဖက်က စစ်ဘေးဒုက္ခသည်တွေကို မီဇိုရမ်အစိုးက […]
မီဇိုရမ်တွင် မြန်မာနိုင်ငံသားများစီးလာတဲ့ ကားတိမ်းမှောက်လို့ လူ ၅ဦး သေဆုံး
ယနေ့နံနက်ပိုင်းတွင် အိန္ဒိယနိုင်ငံ၊ မီဇိုရမ်ပြည်နယ်၊ မြန်မာ-အိန္ဒိယနယ်စပ် ဇိုခေါ်သာရ်ရွာမှ အိုင်ဇောလ်မြို့သို့ သွားရောက်သော ခရီးသည်တင်ကားတစ်စီးသည် ကြွန်ဖိုင်မြို့အနီးတွင် ကားလမ်းချော်လို့ တိမ်းမှောက်မှုဖြစ်ပွားပြီး ကလေးတစ်ယောက်မိခင်အပါအ၀င် လူ ၅ဦး သေဆုံးခဲ့ကြပါတယ်။ အဆိုပါကားတွင် ၂နှစ်အရွယ်ကလေးငယ်တစ်ယောက်နှင့် ၎င်းရဲ့မိခင် အပါအ၀င် လူ ၈ဦး စီးလာကြတာပါ။ လူ ၃ဦးမှာ နေရာတွင် ပွဲချင်းပြီသေဆုံးခဲ့ကြပြီး အခြား ၂ဦး ဆေးရုံတွင်သေဆုံးခဲ့ကြပါတယ်။ သေဆုံးသူများထဲတွင် ကလေးအမေဒေါ်ပါရ်ထားလည်း ပါ၀င်ပါတယ်။ ၎င်းရဲ့ ၂နှစ်အရွယ်ကလေးကိုတော့ ဆေးရုံမှာဆေးကုသပေးလျှက်ရှိပါတယ်။ သေဆုံးသူ ၅ဦးထဲတွင် တီာလ်လျန်ကျဲအိုနှင့် ဒေါ်ပါရ်ထားတို့နှစ်ဦးသည် မြန်မာနိုင်ငံသားများဖြစ်ကြကြောင်း မီဇိုရမ်သတင်းတွေကဖော်ပြထားပါတယ်။ ယာဉ်မောင်း၊ ၂နှစ်အရွယ်ကလေးငယ်နှင့် ခရီးသည်အမျိုးသားတစ်ဦးတို့ကို ကြွန်ဖိုင်ခရိုင်ဆေးရုံမှာ ဆေးကုသလျှက်ရှိကြောင်း သိရပါတယ်။