ဖလမ်းမှာ အမျိုးသမီးတစ်ဦး မြေမြုပ်မိုင်းနင်းမိလို့ သေဆုံး
ချင်းပြည်နယ်၊ ဖလမ်းမြို့နယ်၊ ဇောင်းလေးကျေးရွာမှာ အောက်တိုဘာ ၁၈ရက်နေ့ ဒီကနေ့ မနက်ပိုင်း ၉ နာရီအချိန်ခန့်တွင် တောထဲမှာ လိပ်ပြာဥရှာတဲ့ ဒေသခံအမျိုးသမီးတစ်ဦးက မြေမြှုပ်မိုင်းနင်းမိလို့ သေဆုံးသွားခဲ့ကြောင်း သိရပါတယ်။ မြေမြှုပ်မိုင်းပေါက်ကွဲမှုကြောင့် သေဆုံးသွားသော အမျိုးသမီးဟာ ဇောင်းလေးကျေးရွာနေ ကလေး ၆ယောက်မိခင်ဖြစ်သည့် ဒေါ် ဗျက်နှဲမ်း (၄၅) နှစ်လို့ သိရပါတယ်။ ယနေ့ မနက်ပိုင်းတွင် ဒေါ် ဗျက်နှဲမ် နဲ့ အဖော် ၄ ယောက်ဟာ လိပ်ပြာဥရှာဖို့ တောထဲကို သွားကြရာမှာ ခမရ (၂၆၈) စစ်ကောင်စီတပ် စခန်းချထားသည့် ထင်းရှူးစခန်းအနီးတွင် မြေမြှုပ်မိုင်းနင်းမိခြင်းဖြစ်တယ်လို့ ချင်းလူ့အခွင့်အရေးအဖွဲ့ (CHRO) က ထုတ်ပြန်ပါတယ်။ မြေမြှုပ်မိုင်းနင်းမိတဲ့ ဒေါ် ဗျက်နှဲမ်ဟာ ညာဖက်ခြေထောက်ပြက်သွားပြီး သွေးထွက်လွန်ကာ အခင်းဖြစ်သည့်နေရာတွင် သေဆုံးသွားတယ်လို့ ဒေသခံတစ်ဦးကပြောပါတယ်။ […]
စစ်ကောင်စီကို တိုက်ခိုက်ရင်း ချင်းတော်လှန်ရေးရဲဘော် ၃၀၀ ကျော်ကျဆုံး
အာဏာသိမ်း စစ်ကောင်စီတပ်ဖွဲ့ကို လက်နက်ကိုင်တော်လှန်တိုက်ခိုက်သည့် ၂နှစ်ခွဲကျော်ကာလအတွင်းမှာ ချင်းတော်လှန်ရေးရဲဘော် ၃၁၁ဦး ကျဆုံးခဲ့တယ်လို့ ချင်းရေးရာအဖွဲ့ချုပ် (ICA) က အောက်တိုဘာ ၁၀ရက်နေ့မှာ ထုတ်ပြန်ပါတယ်။ စစ်ကောင်စီက နိုင်ငံတော်အာဏာသိမ်းယူခဲ့သည့် ၂၀၂၁ခုနှစ်၊ ဖေဖော်ဝါရီလ ၁ ရက်နေ့မှ ၂၀၂၃ခုနှစ်၊ အောက်တိုဘာလ ၁ ရက်နေ့အထိ ချင်းပြည်နယ်တွင်တိုက်ပွဲပေါင်း ၇၅၀ နီးပါးအထိ ဖြစ်ပွားခဲ့ပြီး ချင်းအမျိုးသားတော်လှန်ရေးတပ်ဖွဲ့၀င်များဖက်က သေဆုံးမှု ၃၁၀ဦးအထိ ရှိတယ်လို့ ICA ကဆိုပါတယ်။ အဆိုပါ ၃၁၁ဦးအနက် ၂၉၆ဦးမှာ အမျိုးသားများဖြစ်ကြပြီး ၁၅ဦးမှာ အမျိုးသမီး တော်လှန်ရေးသမားများဖြစ်ကြတယ်လို့လည်း ဆိုပါတယ်။ လေကြောင်းတိုက်ခိုက်မှုကြောင့် ချင်းတော်လှန်ရေး တပ်ဖွဲ့၀င် ၁၅ဦး၊ မြေမြုပ်မိုင်းကြောင့် ၂၃ဦး၊ ဖမ်းဆီးပြီး နှိပ်စက်သတ်ဖြတ်မှုကြောင့် ၁၁ဦး၊ အလောင်းဖျောက်မီးရှို့မှုကြောင့် ၉ဦး၊ ဒဏ်ရာရရှိပြီးနောက် ဆေးဝါးကုသခွင့်မရရှိခြင်းကြောင့် ၁၈ဦးနှင့် […]
ထန်တလန်စစ်ဘေးရှောင် ၂နှစ်ပြည့်ကိုဆုတောင်းခြင်း အစီစဉ်နဲ့ကျင်းပ
ပြည်တွင်းနှင့် ပြည်ပမှာ ခိုလှုံနေထိုင်ကြသော ထန်တလန် စစ်ဘေးရှောင်များက ၎င်းတို့ခိုလှုံရာနေရပ်အသီးသီး၌ ထန်တလန်စစ်ဘေးရှောင်ခြင်း ၂နှစ်ပြည့်ကို ဆုတောင်းခြင်း အစီစဉ်များနဲ့ ကျင်းပပြုလုပ်ကြပါတယ်။ ဟားခါးမြို့မှာ ခိုလှုံနေထိုင်ကြသော ထန်တလန်စစ်ဘေးရှောင်များက စက်တင်ဘာ ၁၀ရက်နေ့မှာ ၎င်းတို့စစ်ဘေးရှောင်းခြင်း ၂နှစ်ပြည့်ကို ဆုတောင်းခြင်းနဲ့ ကျင်းပခဲ့သလို မီဇိုရမ်ပြည်နယ်၊ လောင်တလိုင်မြို့မှာလည်း ထန်တလန်စစ်ဘေးရှောင် ၂နှစ်ပြည့်ကို စက်တင်ဘာ ၁၆ရက်နေ့ ဒီကနေ့မှာ ၀က်ပြုဆုတောင်းခြင်း အစီစဉ်နဲ့ ပြုလုပ်ကြပါတယ်။ “အခုဆိုရင် ကျနော်တို့ စစ်ဘေးရှောင်ဘ၀နဲ့ နေလာတာ ၂နှစ်ရှိသွားပြီ။ အချိန်တွေကြာလာပေမယ့် ဘုရားသခင်ဟာ ကျနော်တို့နဲ့အတူ အမြဲတမ်းရှိတယ် ဆိုတာကို သတိရဖို့လိုအပ်ပါတယ်။ အဲဒါကြောင့် ထန်တလန်စစ်ဘေးရှောင် ၂နှစ်ပြည့်ကို ဆုတောင်းခြင်းနဲ့ ပြုလုပ်ခြင်းဖြစ်ပါတယ်” လို့ လောင်တလိုင်မြို့မှာ စစ်ဘေးရှောင်နေသော ထန်တလန် ဒေသခံ အမှုတော်ဆောင်တစ်ပါးက ပြောပါတယ်။ အောက်တိုဘာ ၂၉ရက်နေ့ […]
ထန်တလန် စစ်တပ်က ရွာဖက်ကို လက်နက်ကြီးပစ်ခတ်လို့ စစ်ရှောင်တစ်ဦး သေဆုံး
ထန်တလန် စစ်ကောင်စီတပ်ဖွဲ့က ဩဂုတ်လ ၃၀ရက်နေ့ မနေ့ညနေပိုင်းတွင် ထန်တလန်မြို့နယ်၊ ထလွာလာမ် (Thlualam) ကျေးရွာကို လက်နက်ကြီးနဲ့ ပစ်ခတ်လို့ စစ်ဘေးရှောင်အမျိုးသားတစ်ဦး သေဆုံးပြီး ရွာသား ၂ဦး ဒဏ်ရာရရှိခဲ့ကြကြောင်း သတင်းရရှိပါတယ်။ “ညနေပိုင်း ၄နာရီလောက်မှာ ထန်တလန်မြို့ဖက်ကနေ ထလွာလာမ်ရွာကို စစ်ကောင်စီတပ်က လက်နက်ကြီးနဲ့ ပစ်ခတ်တယ်။ တောင်ယာကနေ ပြန်လာတဲ့ ထန်တလန်စစ်ဘေးရှောင် အမျိုးသားတစ်ဦး လမ်းမှာ လက်နက်ကြီးထိလို့ သေသွားတယ်။ ရွာထဲမှာလည်း လက်နက်ကြီးကျရောက်ပေါက်ကွဲလို့ ရွာသား နှစ်ဦး အသေးစားဒဏ်ရာတွေ ရရှိကြတယ်” လို့ ဒေသခံတစ်ဦးကပြောပါတယ်။ စစ်ကောင်စီတပ်ဖွဲ့ ပစ်ခတ်သော လက်နက်ကြီးကြောင့် သေဆုံးသွားသော အမျိုးသားဟာ ကလေး ၄ယောက်ဖခင် ဦးကြာထန်း (၄၂)နှစ်လို့ သိရပြီး ထန်တလန်မြို့မီးလောင်ပြီးနောက် ထလွာလာမ်ကျေးရွာကို မိသားစုနဲ့ လာရောက်ခိုလှုံသော စစ်ဘေးရှောင် ဖြစ်ကြောင်း […]
ဖလမ်းမြို့တိုက်ပွဲ စစ်ကောင်စီတပ်သား ၆ဦး သေဆုံး
ချင်းပြည်နယ်၊ ဖလမ်းမြို့အခြေစိုက် စစ်ကောင်စီတပ်ရဲ့ ခလရ (၂၆၈) တပ်ရင်းကို ယနေ့ နံနက်အစောပိုင်းတွင် ချင်းအမျိုးသားတပ်မတော် (CNA) နဲ့ CDF-KKG ပူးပေါင်းတပ်ဖွဲ့က ၀င်ရောက်တိုက်ခိုက်ခဲ့ရာ စစ်ကောင်စီတပ်သား ၆ဦးသေဆုံးပြီး လက်နက်တွေသိမ်းဆည်းရမိကြောင်း သိရှိရပါတယ်။ နံနက်အစောပိုင်း ၁နာရီ၀န်းကျင်တွင် CNA နဲ့ CDF-KKG တပ်ဖွဲ့၀င်တွေက စစ်ကောင်စီစခန်းကို တိုက်ခိုက်ခဲ့ရာ နံနက် ၂နာရီခွဲအထိ တိုက်ပွဲ ဖြစ်ပွားခဲ့ပါတယ်။ ၂နာရီခွဲကြာဖြစ်ပွားသော တိုက်ပွဲတွင် စစ်ကောင်စီဖက်က စစ်သား ၆ဦး သေဆုံးပြီး ၈ဦး ဒဏ်ရာရရှိကြတယ်လို့ မြေပြင်သတင်းအရင်းအမြစ်တစ်ဦးက ပြောပါတယ်။ တော်လှန်ရေးပူးပေါင်းတပ်ဖက်တွင် CDF-KKG ရဲဘော်တစ်ဦး အသက်ပေးကျဆုံးသွားပါတယ်။ စစ်ကောင်စီတပ်ဖွဲ့ရဲ့ MA3 ၄လက်၊ ၆၀မမ ၃လက်၊ စက်သေနက် ၂လက်၊ RPG လောင်ချာ ၂ခုနဲ့ ပွိုင့်-၅ […]
ရမ်ထလိုကျေးရွာကို စစ်ကောင်စီက တိုက်လေယာဉ်နဲ့ ဗုံးကြဲတိုက်ခိုက်
ဟားခါး-ဖလမ်းအကြား၊ ဖလမ်းမြို့နယ်ထဲရှိ ရမ်ထလိုကျေးရွာကို ယနေ့ မနက်ပိုင်း ၁၁နာရီခန့်တွင် စစ်ကောင်စီက တိုက်လေယာဉ်နဲ့ ဗုံးကြဲတိုက်ခိုက်ခဲ့လို့ ထိခိုက်ဒဏ်ရာရရှိမှုနဲ့ အိမ်ပျက်စီးမှုတွေ ရှိကြောင်းသိရပါတယ်။ ဗုံးကြဲတိုက်ခိုက်မှုတွင် အနည်းဆုံး ပြည်သူ ၇ဦး ထိခိုက်ဒဏ်ရာရရှိကြပြီး ရမ်ထလိုနှစ်ခြင်းဘုရားကျောင်းနဲ့ လူနေအိမ်တစ်ချို့ ထိခိုက်ပျက်စီးသွားပါတယ်။ ဖလမ်းမြို့၊ စစ်ကောင်စီတပ်စခန်းကို CNA နဲ့ တော်လှန်ရေးပူးပေါင်းတပ်ဖွဲ့၀င်များက ယနေ့ နံနက်ပိုင်း ၁ နာရီခွဲလောက်ကနေ ဝင်ရောက်တိုက်ခိုက်ခဲ့ရာ နံနက် ၃ နာရီအထိ နှစ်ဘက် တိုက်ပွဲတွေ ပြင်းထန်ခဲ့တယ်လို့ ဒေသခံတွေထံမှ သိရပါတယ်။ စစ်ကောင်စီတပ်စခန်းတိုက်ခိုက်ခံရပြီးနောက် တိုက်ပွဲနဲ့မဆိုင်တဲ့ ဖလမ်းမြို့နယ်ထဲရှိ ရမ်ထလိုကျေးရွာကို စစ်ကောင်စီက လေကြောင်းဖြင့် ဗုံးကြဲသွားတာပါ။ ဖလမ်းမြို့ပေါ်ကနေလည်း စစ်ကောင်စီတပ်က လက်နက်ကြီးနဲ့ ရွာတွေဘက်ကို တောက်လျေက်ပစ်ခတ်နေတယ်လို့ သိရပါတယ်။ စစ်ကောင်စီတပ်က တိုက်လေယာဉ်နဲ့ ဗုံးကြဲတိုက်ခိုက်ခဲ့တဲ့ ရမ်ထလိုရွာဟာ […]
စကစ စစ်ကြောင်းထိုးလို့ ကန်ပက်လက်တွင် စစ်ဘေးရှောင် ၂ထောင်ခန့်ထပ်တိုး
မကွေးတိုင်းဖက်မှ ချင်းပြည်နယ်၊ ကန်ပက်လက်မြို့နယ်ထဲကို အကြမ်းဖက်စစ်ကောင်စီတပ်ဖွဲ့က အင်အားအလုံးအရင်းနဲ့ စစ်ကြောင်းထိုးလာမှုကြောင့် ကန်ပက်လက်မြို့နယ်အတွင်း၌ စစ်ဘေးရှောင် ၂ထောင်ခန့် ထပ်တိုးလာတယ်လို့ ကန်ပက်လက်မြို့နယ် ပြည်သူ့အုပ်ချုပ်ရေးအဖွဲ့က သတင်းထုတ်ပြန်ပါတယ်။ ထောက်ပို့ယာဉ်တန်းနဲ့ စစ်သားအင်းအား ၃၀၀ခန့်ပါရှိသော အကြမ်းဖက်စစ်ကောင်စီတပ်ဖွဲ့နဲ့ CDF-Kanpetlet တပ်ဖွဲ့တို့ မဆာတွီကျေးရွာနှင့် ဆွဲလွဲကျင်းကျေးရွာ အကြားတွင် ဇူလိုင်လ ၁၅ရက်နေ့ကစပြီး နေ့စဥ်တိုက်ပွဲများ ဖြစ်ပွားနေတယ်လို့ CDF-Kanpetlet ကဆိုပါတယ်။ အဆိုပါ စစ်ကောင်စီစစ်ကြောင်းဟာ ကန်ပက်လက်မြို့နယ်၊ ကျင်ဒွေးမြို့ဖက်ကို ဦးတည်နေပြီး ကန်ပက်လက်မြို့နယ်ထဲက ကျေးရွာ ၅ရွာမှ ပြည်သူ ၁၅၀၀ခန့် နဲ့ မကွေးတိုင်း၊ ဆောမြို့နယ် ကျေးရွာ ၃ရွာမှ ပြည်သူ ၅၀၀ခန့်ဟာ ကန်ပက်လက်မြို့နယ်အတွင်း၌ စစ်ဘေးရှောင်နေကြတယ်လို့ ဆိုပါတယ်။ ယနေ့ ဇူလိုင်လ ၁၈ရက်နေ့ နံနက်ပိုင်း ၇နာရီခန့်တွင် စစ်ကောင်စီစစ်ကြောင်းနဲ့ CDF-Kanpetlet […]
လိုင်လင်းပီမြို့ပေါ်တိုက်ပွဲ စကစ ၄ဦးနဲ့ အရပ်သား ၁ဦး သေဆုံး
ချင်းပြည်နယ်၊ ပတူပီမြို့နယ်၊ လိုင်လင်းပီမြို့တွင် မနေ့ ဇူလိုင် ၈ရက်နေ့ ညနေပိုင်းက အကြမ်းဖက်စစ်ကောင်စီတပ်နဲ့ CDF-Mara တပ်ဖွဲ့တို့အကြား တိုက်ပွဲဖြစ်ပွားခဲ့ရာ စစ်ကောင်စီတပ်သား ၄ဦးနဲ့ ဒေသခံအမျိုးသမီး တစ်ဦး သေဆုံးခဲ့ကြောင်း CDF-Mara ရဲ့ ထုတ်ပြန်ချက်အရ သိရပါတယ်။ ညနေပိုင်း ၂း၂၀အချိန်တွင် လိုင်လင်းပီမြို့တွင်း၌နာရီ၀က်အကြာ နှစ်ဖက်ပစ်ခတ်မှုဖြစ်ပွားပြီး စစ်ကောင်စီတပ်ဖွဲ့၀င် ၄ဦး ပွဲချင်းပြီး သေဆုံးကာ စစ်ကောင်စီဖက်မှ ပစ်ခတ်လိုက်သော လက်နက်ကြီးကြောင့် ဒေသခံအမျိုးသမီး တစ်ဦး သေဆုံးခြင်းဖြစ်ကြောင်း CDF-Mara ကဆိုပါတယ်။ စစ်ကောင်စီတပ်မှ ပစ်ခတ်သော လက်နက်ကြီးကြောင့် လူနေအိမ် ၂လုံးလည်း မီးလောင်သွားတယ်လို့ ထုတ်ပြန်ချက်မှာ ဖော်ပြထားပါတယ်။ လိုင်လင်းပီမြို့ ပြည်သူများကို စစ်ကောင်စီတပ်သားများက ခြိမ်းခြောက်ခြင်း၊ နှောက်ယှက်ခြင်းနဲ့ မူးယစ်ရမ်ကားပြီး သေနတ်ပစ်ဖောက်ခြင်းများ ပြုလုပ်တာကြောင့် CDF-Mara ကတိုက်ခိုက်ခြင်းဖြစ်ကြောင်း ထုတ်ပြန်ထားပါတယ်။ […]
မင်းတပ်မြို့နယ် လေကြောင်းတိုက်ခိုက်ခံရမှုကြောင့် ပြည်သူ ၃ဦး သေဆုံး
ယနေ့ ဇူလိုင် ၈ရက် နံနက်ပိုင်း ၁၁နာရီအချိန်တွင် ချင်းပြည်နယ်၊ မင်းတပ်မြို့နယ် တိုက်နယ် (၂)၊ ဝုမ်ခုမ်းကျေးရွာကို အကြမ်းဖက်စစ်ကောင်စီတပ်က တိုက်လေယာဉ်နဲ့ ဗုံးကြဲတိုက်ခိုက်ခဲ့ရာ အသက်မပြည့်သေးတဲ့ ကလေးငယ်တစ်ဦးနဲ့ အမျိုးသမီး ၂ဦး သေဆုံးခဲ့ကြောင်း CDF-Mindat က ထုတ်ပြန်ထားပါတယ်။ အဆိုပါလေကြောင်းတိုက်ခိုက်မှုတွင် ၉နှစ်အရွယ် မိန်းကလေးတစ်ဦး၊ အသက် ၃၀ နှစ် (၂လသား) နို့တိုက်မိခင်တစ်ဦးနဲ့ အသက် ၆၅နှစ် အဖွားအိုတစ်ဦး တို့ သေဆုံးခဲ့ကြပါတယ်။ ဝုမ်ခုမ်းကျေးရွာအတွင်း စစ်ဘေးရှောင်များနေထိုင်သည့်နေရာကို အကြမ်းဖက်စစ်ကောင်စီရဲ့ တိုက်လေယာဉ်က ၅၀၀ ဗုံးသီး ၂လုံး၊ အတွဲလိုက် ဗုံးသီး ၄လုံး၊ ရော့ကက်၊ ပွိုင့်ဖိုက်ကြည်များဖြင့် ပစ်ခတ်တိုက်ခိုက်သည့်အပြင် မင်းတပ်မြို့ရှိ အကြမ်းဖက်စစ်ကောင်စီရဲ့ ခလရ (၂၇၆) ကလည်း လက်နက်ကြီးဖြင့် ၄ချက် ပစ်ခတ်ခဲ့တယ်လို့ […]
ချင်းဒုက္ခသည်စခန်း ၃ခုမှာ ကလေးတွေ ပညာရေး အကူအညီလိုအပ်
မီဇိုရမ်ပြည်နယ်၊ လောင်တလိုင်ခရိုင်အတွင်းရှိ ချင်းဒုက္ခသည်စခန်း ၃ခုမှာ ကလေးတွေ ပညာသင်ကြားနိုင်ရေးအတွက် ကျောင်းသုံးပစ္စည်းအကူအညီတွေ လိုအပ်နေတယ်လို့ ဒုက္ခသည်ကလေးတွေကို ပညာသင်ကြပေးတဲ့ ဆရာတစ်ဦးက အကူအညီတောင်းပါတယ်။ “ပလက်၀ဖက်က ဒုက္ခသည်တွေ အဓိကနေထိုင်တဲ့ သီတလန်ပွီး၊ ကော်ဆော်နဲ့ စုန်တလန်ပွီး ဒုက္ခသည်စခန်းတွေမှာ ကလေးတွေပညာသင်ကြားနိုင်ရေးအတွက် ပြဌာန်းစာအုပ်၊ ဗလာစာအုပ်နဲ့ ခဲတံတွေ အကူအညီ လိုအပ်နေတယ်” လို့ ကျောင်းဆရာ ဆလိုင်းဇာဘွေက ပြောပါတယ်။ သီတလန်ပွီးနဲ့ စုန်တလန်ပွီး ဒုက္ခသည်စခန်းမှာ မူလတန်းကျောင်းတွေ ဖွင့်လှစ်ထားပြီး ကော်ဆော်မှာ အလယ်တန်းကျောင်းအထိ ကိုယ်ထူကိုယ်ထ ဖွင့်လှစ်ကြပါတယ်။ အဆိုပါကျောင်း ၃ကျောင်းတွင်း ပညာသင်ကြားသော ဒုက္ခသည်ကလေး အယောက် ၁၀၀ ခန့်ရှိကြပြီး ကျောင်းတစ်ကျောင်းတွင် ဆရာ၊ ဆရာမ ၃ယောက်ခန့်စီက ပညာသင်ပေးကြပါတယ်။ “ဒီတော်လှန်ရေးဟာ စကစလက်နက်ကိုင်တိုက်ခိုက်ရုံနဲ့မပြီးဘူး၊ ကျနော်တို့မှာကလေးတွေအတွက် ပညာရေးလည်းအရေးကြီးတယ်၊ ပြီးတော့ […]