CDF-Tonzang စခန်းတစ်ခုကို စကစနဲ့ ZRA အဖွဲ့က သိမ်းပိုက်
ဩဂုတ်လ ၃၁ရက်နေ့ မနေ့ညနေပိုင်း ၃နာရီခွဲခန့်တွင် ချင်းပြည်နယ်၊ တွန်းဇံမြို့နယ်ထဲရှိ CDF-Tonzang တပ်ရင်း (၃)စခန်းကို စစ်ကောင်စီတပ်ဖွဲ့နဲ့ ၎င်းတို့ရဲ့လက်ပါးစေ မဏီပူရ်ပြည်နယ်အခြေစိုက် Zomi Revolutionar Army (ZRA) လက်နက်ကိုင်အဖွဲ့က စီးနင်းသိမ်းပိုက်ခဲ့ကြောင်း ZRA ရဲ့ ထုတ်ပြန်ချက်အရ သိရပါတယ်။ စခန်းသိမ်းပိုက်ခံရသည့် ကိစ္စနဲ့ပတ်သက်ပြီး CDF-Tonzang တပ်ရင်း (၃)ရဲ့ တပ်ရင်းမှူး Zo Mu Mung က အတည်ပြုထားပါတယ်။ “တတိယအကြိမ်တန်းဆင်းပွဲလုပ်တော့ နောက်တစ်ရက်မှာ တွန်းဇံမြို့စခန်းကိုတိုက်မလို့ အစီအစဉ်ဆွဲထားတော့ ကံဆိုးစွာနဲ့ ကျနော်တို့ ရဲဘော်တစ်ယောက်အရက်သောက်ပြီးထွက်ပြေးသွားတယ်။ တွန်းဇံမြို့ စစ်ကောင်စီတွေက သိသွားတော့ ညနေ ၃ နာရီခွဲလောက်မှာ လက်ဦးမှုရယူသွားတာပေါ့။ ၅မိနစ်အလိုမှာ သတင်းရထားတော့ ကံကောင်းသွားတယ်” လို့ Zo Mu Mung က […]
ထန်တလန်တိုက်ပွဲ စကစ ၂၈ဦးနဲ့ ချင်းပူးပေါင်းတပ်ဖွဲ့၀င် ၁၃ဦး ကျဆုံး
ဩဂုတ်လ ၂၈ရက်နေ့ မနေ့က ဖြစ်ပွားတဲ့ ချင်းပြည်နယ်၊ ထန်တလန်မြို့တိုက်ပွဲတွင် စစ်ကောင်စီတပ်သား ၂၈ဦး သေဆုံးခဲ့ပြီး ချင်းအမျိုးသားတပ်မတော် (CNA) နဲ့ CDF ပူးပေါင်းတပ်ဖွဲ့ဖက်တွင် ရဲဘော် ၁၃ဦး ကျဆုံးခဲ့ကြောင်း CNA ဖက်က ပြောပါတယ်။ CNA၊ CDF-Thantlang၊ CDF-Hakha၊ CDF-Zophei တပ်ဖွဲ့၀င်များက ထန်တလန်မြို့ စစ်ကောင်စီတပ်စခန်းကို နံနက် ၅နာရီအချိန်ခန့်တွင် စီးနင်းတိုက်ခိုက်ခြင်းဖြစ်ပြီး တိုက်ပွဲအတွင်း နှစ်ဖက် ထိခိုက်ဒဏ်ရာရမှုနဲ့ ကျဆုံးမှုတွေများခဲ့ပါတယ်။ ချင်းတော်လှန်ရေးပူးပေါင်းတပ်ဖွဲ့ဖက်တွင် ရဲဘော် ၁၃ဦး ကျဆုံးတယ်လို့ CNA ပြောရေးဆိုခွင့်ရှိသူ ဆလိုင်းထက်နီက ယနေ့မနက်ပိုင်းတွင်ပြုလုပ်တဲ့ ချင်းလဲန်းကလပ် အွန်လိုင်းတွေဆုံပွဲမှာ အတည်ပြု ပြောကြားခဲ့ပါတယ်။ အမည်မဖော်လိုတဲ့ CNA အရာရှိတစ်ဦးက “စစ်ကောင်စီဖက်မှာ ၂၈ဦး သေဆုံးတယ်လို့ သတင်းရတယ်။ ဒဏ်ရာရရှိတဲ့ စကစစစ်သား […]
ထန်တလန်တိုက်ပွဲတွင် လက်နက်ခဲယမ်းများကို CNAပူးပေါင်းတပ် သိမ်းဆည်း
ထန်တလန်မြို့ စစ်ကောင်စီတပ်ဖွဲ့ ရဲ့ ဟောင်ကာဘုံး (Haukabung) စခန်းကို ချင်းအမျိုးသားတပ်မတော် (CNA)၊ CDF-Thantlang၊ CDF-Hualngoram နဲ့ CDF-Zophei ပူးပေါင်းတပ်ဖွဲ့က တိုက်ခိုက်သိမ်းပိုက်ခဲ့ပြီး လက်နက်ခဲယမ်းတစ်ချို့ကိုလည်း သိမ်းဆည်းနိုင်ခဲ့ကြောင်း သိရပါတယ်။ ဩဂုတ်လ ၁၄ရက်နေ့ နံနက်ပိုင်းက CDF နဲ့ CNA ပူးပေါင်းတပ်ဖွဲ့က ဟောင်ကာဘုံးစခန်းကို ၀င်ရောက်စီးနင်းခဲ့ရာ စစ်ကောင်စီတပ်သား ၃ဦး သေဆုံးပြီး ၂ကို အရှင်ဖမ်းမိခဲ့ပါတယ်။ အဆိုပါ စခန်းသိမ်းတိုက်ပွဲတွင် စစ်ကောင်စီတပ်ဖွဲ့ရဲ့ သေနတ် ၃လက်နဲ့ RPG ၂လက်အပြင် အခြားလက်နက်ခဲယမ်းတစ်ချို့ကို CNA နဲ့ CDF ပူးပေါင်းတပ်ဖွဲ့က သိမ်းဆည်းနိုင်ခဲ့ပါတယ်။ အထိနာသော စစ်ကောင်စီတပ်က ဟားခါးမြို့ကနေ လက်နက်ကြီးတွေနဲ့ ပစ်ကူပေးခဲ့သည့်မပြင် တိုက်လေယာဉ်နဲ့ပါ CNA နဲ့ CDF တွေကိုလာရောက် ပစ်ခတ်ခဲ့ပါတယ်။ […]
ထန်တလန်မြိုနယ် သီလိမ်စစ်ဆင်ရေးမှာ စကစတပ်သား ၁၅ဦး သေဆုံးပြီး
CDF-Thantlang၊ CDF-Zohpei နဲ့ ချင်းအမျိုးသားတပ်မတော် (CNA) တို့ ပူးပေါင်းဆင်နွဲခဲ့တဲ့ ထန်တလန်မြို့နယ်အတွင်း သီလိမ်စစ်ဆင်ရေး (Tilim Operation) မှာ စစ်ကောင်စီတပ်သား ၁၅ဦး သေဆုံးခဲ့ပြီး ချင်းကာကွယ်ရေးပူးပေါင်းတပ်ဖွဲ့ဖက်တွင် ၄ဦး ကျဆုံးခဲ့ကြောင်း CDF-Thantlang က အသိပေးထုတ်ပြန်ပါတယ်။ သီလိမ်စစ်ဆင်ရေးကို ဇူလိုင်လတွင် စတင်ခဲပြီးယင်းစစ်ဆင်းရေးအတွင်း ထန်တလန်မြို့နယ်ထဲရှိ စစ်ကောင်စီတပ်ဖွဲ့ရဲ့ အော်တိုတောင်စခန်း၊ ဟောင်ကာဘုံးစခန်း (Haukabung) နဲ့ ထန်တလန်မြို့ထဲရှိ စစ်ကောင်စီတပ်ခြေကုတ်ယူထားသည့် TCB၊ TABC နေရာတို့ကို ထိုးစစ်ဆင်တိုက်ခိုက်ခဲ့တယ်လို့ ဆိုပါတယ်။ ဩဂုတ်လ ၁၄ရက်နေ့ နံနက်ပိုင်းတွင်ဖြစ်ပွားခဲ့တဲ့ ဟောင်ကာဘုံး တိုက်ပွဲတွင် အဆိုပါစခန်းကို ချင်းကာကွယ်ရေးပူးပေါင်းတပ်ဖွဲ့က သိမ်းပိုက်နိုင်ခဲ့ပြီး စစ်ကောင်စီစစ်သား ၂ဦးကိုလည်း အရှင်ဖမ်းမိခဲ့ပါတယ်။ ရက်ပေါင်း ၃၇ ကြာမြင့်ပြီဖြစ်တဲ့ သီလိမ်စစ်ဆင်ရေးတွင် စစ်ကောင်စီဖက်က စစ်သား ၁၅ဦး […]
ထန်တလန် စကစ စခန်းတစ်ခုကို သိမ်းပိုက်ပြီး တပ်သား ၂ဦးဖမ်းမိ
ချင်းပြည်နယ်၊ ထန်တလန်မြို့က စစ်ကောင်စီ စခန်းတစ်ခုကို ချင်းအမျိုးသားတပ်မတော် (CNA)၊ CDF-Thantlang နဲ့ CDF-Zophei ပူးပေါင်းတပ်ဖွဲ့က ယနေ့မနက်ပိုင်းတွင် သိမ်းပိုက်ခဲ့ပြီး စစ်ကောင်စီတပ်သား ၂ကို အရှင်ဖမ်းမိကြောင်း ချင်းအမျိုးသားတပ်ဦး (CNF) ကထုတ်ပြန်ပါတယ်။ ထန်တလန်မြို့အ၀င်နားရှိ စစ်ကောင်စီတပ်ဖွဲ့ရဲ့ တပ်ခွဲစခန်းကို CNA နဲ့ CDF ပူးပေါင်းတပ်ဖွဲ့က သိမ်းပိုက်ခြင်းဖြစ်ပြီး စစ်ကောင်စီဖက်က ကျဆုံးမှုအခြေအနေ အတိအကျမသိရသော်လည်း စစ်ကောင်စီတပ်ဖွဲ့ရဲ့ သေနတ် ၆လက်ကို သိမ်းဆည်းနိုင်ခဲ့သည့်အပြင် စစ်သား ၂ဦးကိုလည်း အရှင်ဖမ်းမိထားတယ်လို့ ဆိုပါတယ်။ အထိနာသော စစ်ကောင်စီတပ်က ဟားခါးမြို့ကနေ လက်နက်ကြီးတွေနဲ့ ပစ်ကူပေးခဲ့သည့်မပြင် တိုက်လေယာဉ်နဲ့ပါ CNA နဲ့ CDF တွေကိုလာရောက် ပစ်ခတ်ခဲ့ပါတယ်။ တိုက်ပွဲဖြစ်ပွားရာနေရာနဲ့ ၅မိုင်အကွာတွင် တည်ရှိသည့် ခွါဖိုကျေးရွာကိုလည်း စစ်ကောင်စီတပ်က လေယာဉ်နဲ့ ဗုံးကြဲတိုက်ခိုက်လို့ […]
ခွါဖိုရွာကို စကစက ဒုတိယအကြီမ် လေယာဉ်နဲ့ ဗုံးကြဲတိုက်ခိုက်
ချင်းပြည်နယ်၊ ထန်တလန်မြို့နယ်ထဲက ခွါဖိုကျေးရွာကို စစ်ကောင်စီတပ်က ဩဂုတ်လလ၁၄ရက် ယနေ့မနက်ပိုင်း ၁၂နာရီခွဲ၀န်းကျင်တွင် ဒုတိယအကြီမ် လေယာဉ်နဲ့ ဗုံးကြဲတိုက်ခိုက်သွားကြောင်း သတင်းရရှိပါတယ်။ ယနေ့မနက်ပိုင်းတွင် ချင်းအမျိုးသားတပ်မတော် (CNA)နဲ့ CDF-Thantlang ပူးပေါင်းတပ်ဖွဲ့နဲ့ စစ်ကောင်စီတပ်ဖွဲ့တို့အကြား ထန်တလန်မြို့၌ တိုက်ပွဲဖြစ်ပွားခဲ့ပြီး ထန်တလန်မြို့ မြောက်ဖက် ၅မိုင်ခန့်အကွာတွင် တည်ရှိသည့် ခွါဖိုကျေးရွာကို စစ်ကောင်စီတပ်က လေယာဉ်နဲ့ တိုက်ခိုက်ခဲ့ပါတယ်။ အဆိုပါလေကြောင်းတိုက်ခိုက်မှုကြောင့် ခွါဖိုနှစ်ခြင်းဘုရားကျောင်း အဆောက်အအုံအပါအ၀င် လူနေအိမ် ၄လုံးခန့် ထိခိုက်ပျက်စီးသွားတယ်လို့ ကနဦးသတင်းအရ သိရှိရပါတယ်။ ပြီးခဲ့တဲ့ မတ်လ ၃၀ရက်နေ့က စစ်ကောင်စီတပ်က ခွါဖိုကျေးရွာကို တိုက်လေယာဉ်နဲ့ ဗုံးကြဲတိုက်ခိုက်ခဲ့လို့ ကလေးငယ် ၂ဦး အပါအ၀င် ပြည်သူ ၉ဦး သေဆုံးခဲ့ပါတယ်။ ဩဂုတ်လ ၁၃ရက် မနေ့ည ၁၀နာရီခွဲ၀န်ကျင်တွင်လည်း စစ်ကောင်စီတပ်က ဟားခါးမြို့မှ ပစ်ခတ်သော […]
ဖလမ်းမြို့တိုက်ပွဲ စစ်ကောင်စီတပ်သား ၆ဦး သေဆုံး
ချင်းပြည်နယ်၊ ဖလမ်းမြို့အခြေစိုက် စစ်ကောင်စီတပ်ရဲ့ ခလရ (၂၆၈) တပ်ရင်းကို ယနေ့ နံနက်အစောပိုင်းတွင် ချင်းအမျိုးသားတပ်မတော် (CNA) နဲ့ CDF-KKG ပူးပေါင်းတပ်ဖွဲ့က ၀င်ရောက်တိုက်ခိုက်ခဲ့ရာ စစ်ကောင်စီတပ်သား ၆ဦးသေဆုံးပြီး လက်နက်တွေသိမ်းဆည်းရမိကြောင်း သိရှိရပါတယ်။ နံနက်အစောပိုင်း ၁နာရီ၀န်းကျင်တွင် CNA နဲ့ CDF-KKG တပ်ဖွဲ့၀င်တွေက စစ်ကောင်စီစခန်းကို တိုက်ခိုက်ခဲ့ရာ နံနက် ၂နာရီခွဲအထိ တိုက်ပွဲ ဖြစ်ပွားခဲ့ပါတယ်။ ၂နာရီခွဲကြာဖြစ်ပွားသော တိုက်ပွဲတွင် စစ်ကောင်စီဖက်က စစ်သား ၆ဦး သေဆုံးပြီး ၈ဦး ဒဏ်ရာရရှိကြတယ်လို့ မြေပြင်သတင်းအရင်းအမြစ်တစ်ဦးက ပြောပါတယ်။ တော်လှန်ရေးပူးပေါင်းတပ်ဖက်တွင် CDF-KKG ရဲဘော်တစ်ဦး အသက်ပေးကျဆုံးသွားပါတယ်။ စစ်ကောင်စီတပ်ဖွဲ့ရဲ့ MA3 ၄လက်၊ ၆၀မမ ၃လက်၊ စက်သေနက် ၂လက်၊ RPG လောင်ချာ ၂ခုနဲ့ ပွိုင့်-၅ […]
ရမ်ထလိုကျေးရွာကို စစ်ကောင်စီက တိုက်လေယာဉ်နဲ့ ဗုံးကြဲတိုက်ခိုက်
ဟားခါး-ဖလမ်းအကြား၊ ဖလမ်းမြို့နယ်ထဲရှိ ရမ်ထလိုကျေးရွာကို ယနေ့ မနက်ပိုင်း ၁၁နာရီခန့်တွင် စစ်ကောင်စီက တိုက်လေယာဉ်နဲ့ ဗုံးကြဲတိုက်ခိုက်ခဲ့လို့ ထိခိုက်ဒဏ်ရာရရှိမှုနဲ့ အိမ်ပျက်စီးမှုတွေ ရှိကြောင်းသိရပါတယ်။ ဗုံးကြဲတိုက်ခိုက်မှုတွင် အနည်းဆုံး ပြည်သူ ၇ဦး ထိခိုက်ဒဏ်ရာရရှိကြပြီး ရမ်ထလိုနှစ်ခြင်းဘုရားကျောင်းနဲ့ လူနေအိမ်တစ်ချို့ ထိခိုက်ပျက်စီးသွားပါတယ်။ ဖလမ်းမြို့၊ စစ်ကောင်စီတပ်စခန်းကို CNA နဲ့ တော်လှန်ရေးပူးပေါင်းတပ်ဖွဲ့၀င်များက ယနေ့ နံနက်ပိုင်း ၁ နာရီခွဲလောက်ကနေ ဝင်ရောက်တိုက်ခိုက်ခဲ့ရာ နံနက် ၃ နာရီအထိ နှစ်ဘက် တိုက်ပွဲတွေ ပြင်းထန်ခဲ့တယ်လို့ ဒေသခံတွေထံမှ သိရပါတယ်။ စစ်ကောင်စီတပ်စခန်းတိုက်ခိုက်ခံရပြီးနောက် တိုက်ပွဲနဲ့မဆိုင်တဲ့ ဖလမ်းမြို့နယ်ထဲရှိ ရမ်ထလိုကျေးရွာကို စစ်ကောင်စီက လေကြောင်းဖြင့် ဗုံးကြဲသွားတာပါ။ ဖလမ်းမြို့ပေါ်ကနေလည်း စစ်ကောင်စီတပ်က လက်နက်ကြီးနဲ့ ရွာတွေဘက်ကို တောက်လျေက်ပစ်ခတ်နေတယ်လို့ သိရပါတယ်။ စစ်ကောင်စီတပ်က တိုက်လေယာဉ်နဲ့ ဗုံးကြဲတိုက်ခိုက်ခဲ့တဲ့ ရမ်ထလိုရွာဟာ […]
ကာလုံအစည်းအဝေးတက်ခဲ့တဲ့ ဒုသမ္မတဟင်နရီဗန်ထီးယူကို NLD ထုတ်ပယ်
စစ်ကောင်စီက ကျင်းပခဲ့တဲ့ အမျိုးသားကာကွယ်ရေးနှင့်လုံခြုံရေး အစည်းအဝေးတွင် တက်ရောက်ခဲ့သော ဒုတိယသမ္မတ ဦးဟင်နရီဗန်ထီးယိုကို NLD ပါတီဝင်အဖြစ်မှ ထုတ်ပယ်ကြောင်း ယနေ့ သြဂုတ်လ (၉) ရက် ရက်စွဲနဲ့ အမျိုးသားဒီမိုကရေစီအဖွဲ့ချုပ်၊ ဗဟိုအလုပ်ကော်မတီက ထုတ်ပြန်ပါတယ်။ နိုင်ငံတော်သစ္စာဖောက်ဖျက်ပုန်ကန်မှုကို ကျူးလွန်ခဲ့သော အကြမ်းဖက်စစ်ခေါင်းဆောင်မင်းအောင်လှိုင်၏ အာဏာသိမ်းမှုကို အမျိုးသားဒီမိုကရေစီအဖွဲ့ချုပ် ဥက္ကဌ နှင့် ဒုဥက္ကဌ များအပါအဝင် ဗဟိုအလုပ်အမှုဆောင်အဖွဲ့ဝင် (၉) ဦး တို့မှာ ကိုယ်တိုင်ဆန့်ကျင်သဖြင့် မတရားဖမ်းဆီးခံနေရသည့်နည်းတူ အဆင့်ဆင့်သောပါတီဝင် အများအပြား တို့သည်လည်း အကျဥ်းထောင်အသီသီးတွင် မတရားဖမ်းဆီးချုပ်နှောင်ခံနေရပါသည်။ ဗဟိုအလုပ်အမှုဆောင်အဖွဲ့ဝင် ဦးဉာဏ်ဝင်းသည် လုံလောက်သော ဆေးကုသခွင့်မရရှိသည့်အတွက် အကျဥ်းထောင်တွင်း ကျဆုံးခဲ့ရပါသည်။ အမျိုးသားဒီမိုကရေစီအဖွဲ့ချုပ်ပါတီသည် ဒီမိုကရေစီလိုလားသော ပြည်ထောင်စုတစ်ဝန်းလုံးမှ တိုင်းရင်းသားပြည်သူ တစ်ရပ်လုံးနှင့်အတူ ရင်ဆိုင် ရပ်တည်လျက်ရှိနေပါသည် ဟု ထုတ်ပြန်ချက်တွင် ဖော်ပြထားပါတယ်။ ဦးဟင်နရီဗန်ထီးယူသည် […]
မတူပီတွင် နေအိမ်တစ်လုံးပေါ် သစ်ပင်လဲကျလို့ အမျိုးသားတစ်ဦးသေဆုံ
ချင်ပြည်နယ်၊ မတူပီမြို့နယ်၊ ဟာလ်တူးကျေးရွာတွင် မိုးကြီးလေပြင်းတိုက်ခတ်မှုကြောင့် လူနေအိမ်တစ်လုံးပေါ်သို့ သစ်ပြင်လဲကျပြီး အမျိုးသားတစ်ဦး သေဆုံးခဲ့ကြောင်း သိရပါတယ်။ ယနေ့ ဩဂုတ်လ ၇ရက်၊ နံနက်ပိုင်း ၂နာရီခန့်တွင် မိုးသက်လေပြင်းတိုက်ခတ်မှုကြောင့် ဟာလ်တူးကျေးရွာရှိ လူနေအိမ်တစ်လုံးပေါ်သို့ သစ်ပြင်လဲကျကာ အသက် ၅၂အရွယ် ဦးလောင်ဟွန် သေဆုံးခဲ့ပါတယ်။ ဦးလောင်ဟွန်ရဲ့ ဇနီးသည်လည်း ဦးခေါင်းတွင် ပြင်းထန်ဒဏ်ရာရရှိပြီး မတူပီဆေးရုံတွင် ဆေးကုသမှုခံယူနေတယ်လို့ ဒေသခံတွေက ပြောပါတယ်။ ဦးလောင်ဟွန်တို့ မိသားစုဟာ အရင်က မတူပီမြို့ပေါ်တွင် နေထိုင်ခဲ့ကြပြီး နိုင်ငံရေးမတည်ငြိမ်မှုကြောင့် ကျေးရွာဖက်ကို လာရောက်နေထိုင်သူတွေဖြစ်ကြောင်း သိရပါတယ်။ မိုးရာသီအချိန်အတွင် တောင်ပေါ်ဒေသဖြစ်သည့် ချင်းပြည်နယ်တွင် မိုးသက်လေပြင်းကြောင့် မြေပြိုမှုနှစ်စဉ် ဖြစ်ပွားလေ့ရှိ ပါတယ်။