စစ်ကောင်စီကို တိုက်ခိုက်ရင်း ချင်းတော်လှန်ရေးရဲဘော် ၃၀၀ ကျော်ကျဆုံး
အာဏာသိမ်း စစ်ကောင်စီတပ်ဖွဲ့ကို လက်နက်ကိုင်တော်လှန်တိုက်ခိုက်သည့် ၂နှစ်ခွဲကျော်ကာလအတွင်းမှာ ချင်းတော်လှန်ရေးရဲဘော် ၃၁၁ဦး ကျဆုံးခဲ့တယ်လို့ ချင်းရေးရာအဖွဲ့ချုပ် (ICA) က အောက်တိုဘာ ၁၀ရက်နေ့မှာ ထုတ်ပြန်ပါတယ်။ စစ်ကောင်စီက နိုင်ငံတော်အာဏာသိမ်းယူခဲ့သည့် ၂၀၂၁ခုနှစ်၊ ဖေဖော်ဝါရီလ ၁ ရက်နေ့မှ ၂၀၂၃ခုနှစ်၊ အောက်တိုဘာလ ၁ ရက်နေ့အထိ ချင်းပြည်နယ်တွင်တိုက်ပွဲပေါင်း ၇၅၀ နီးပါးအထိ ဖြစ်ပွားခဲ့ပြီး ချင်းအမျိုးသားတော်လှန်ရေးတပ်ဖွဲ့၀င်များဖက်က သေဆုံးမှု ၃၁၀ဦးအထိ ရှိတယ်လို့ ICA ကဆိုပါတယ်။ အဆိုပါ ၃၁၁ဦးအနက် ၂၉၆ဦးမှာ အမျိုးသားများဖြစ်ကြပြီး ၁၅ဦးမှာ အမျိုးသမီး တော်လှန်ရေးသမားများဖြစ်ကြတယ်လို့လည်း ဆိုပါတယ်။ လေကြောင်းတိုက်ခိုက်မှုကြောင့် ချင်းတော်လှန်ရေး တပ်ဖွဲ့၀င် ၁၅ဦး၊ မြေမြုပ်မိုင်းကြောင့် ၂၃ဦး၊ ဖမ်းဆီးပြီး နှိပ်စက်သတ်ဖြတ်မှုကြောင့် ၁၁ဦး၊ အလောင်းဖျောက်မီးရှို့မှုကြောင့် ၉ဦး၊ ဒဏ်ရာရရှိပြီးနောက် ဆေးဝါးကုသခွင့်မရရှိခြင်းကြောင့် ၁၈ဦးနှင့် […]
စစ်အာဏာရှင်ကို အမြစ်ပြတ်တော်လှန်ရန် မူ၀ါဒ CDF-Hakha ဗဟိုကောင်စီချမှတ်
CDF-Hakha ဗဟိုကောင်စီရဲ့ ဒုတိယအကြီမ် လူထုညီလာခံကို စက်တင်ဘာလ ၂၁ရက်နေ့မှ ၂၂ရက်နေ့အထိကျင်းပခဲ့ပြီး စစ်အာဏာရှင်ကို အမြစ်ပြတ်သည်အထိ ဆက်လက်တော်လှန်တိုက်ပွဲ၀င်ရန် မူ၀ါဒနှင့် လမ်းစဉ်များချမှတ်နိုင်ခဲ့တယ်လို့ ဆိုပါတယ်။ CDF-Hakha ဗဟိုကောင်စီရဲ့ ပထမအကြီမ် လူထုညီလာခံကို ပြီးခဲ့တဲ့ စက်တင်ဘာ ၉ရက်နေ့၊ ၂၀၂၂ ခုနှစ်ကကျင်းပခဲ့ပြီး ယခုနှစ်ကျင်းပတဲ့ ဒုတိယအကြီမ် လူထုညီလာခံတွင် အရင် CDF-Hakha ကောင်စီ နာမည်ကို CDF-Hakha ဗဟိုကောင်စီဟု ပြောင်းလဲကာ ဗဟိုကောင်စီခေါင်းဆောင်များကို ရွေးချယ်ခဲ့ကြောင်း ထုတ်ပြန်ချက်မှာ ဖော်ပြထားပါတယ်။ CDF-Hakha ဗဟိုကောင်စီရဲ့ ဒုတိယအကြီမ် လူထုညီလာခံတွင် ကိုယ်စားလှယ် ၃၅၈ဦး တက်ရောက်နိုင်ခဲ့ပြီး စစ်ကောင်စီနဲ့ ပူးပေါင်းပတ်သက်သူများကို ပြင်းပြင်းထန်ထန် အရေးယူသွားမည်လို့ ညီလာခံက ထုတ်ပြန်လိုက်ပါတယ်။ CDF-Hakha ဗဟိုကောင်စီရဲ့နယ်မြေများဖြစ်သော ဟားခါးမြို့နယ်အတွင်း ဇိုခွါဒေသ၊ ဆဲန်ထန်းဒေသ၊ မီဧဒေသနှင့် […]
ချင်းလဲန်းကောင်စီညီလာခံ ဖြစ်မြောက်ရေးလုပ်ငန်းကော်မတီဖွဲ့စည်း
ချင်းလဲန်းကောင်စီညီလာခံကျင်းပနိုင်ရန် လုပ်ငန်းကော်မတီ (Working Committee for Chinland Council Conference – WCCCC) ကို ချင်းလဲန်းကောင်စီ မျက်နှာစုံညီအကြိုအစည်းအဝေးတွင် ဖွဲ့စည်းခဲ့ကြောင်း WCCCC က စက်တင်ဘာ ၂၂ရက်နေ့ ယနေ့မှာ ထုတ်ပြန်လိုက်ပါတယ်။ ချင်းလဲန်းကောင်စီ မျက်နှာစုံညီအကြိုအစည်းအဝေးကို စက်တင်ဘာလ ၇ရက်နေ့မှ ၉ရက်နေ့အထိ နယ်စပ်တစ်ရာတွင် ကျင်းပခဲ့ပြီး ချင်းအမျိုးသားတပ်ဦး (CNF)၊ ချင်းလွှတ်တော်ကိုယ်စားလှယ်များ၊ မြို့နယ်နှင့် ဒေသအခြေပြု အဖွဲ့အစည်း ကိုယ်စားလှယ်များ၊ စုစုပေါင်း ၁၀၈ဦး တက်ရောက်ခဲ့ပါတယ်။ ယင်းအစည်းအဝေးတွင် တော်လှန်ရေးကာလ ချင်းလဲန်းဖွဲ့စည်းပုံအခြေခံဉပဒေ ပေါ်ပေါက်လာရေး၊ ချင်းလဲန်းကောင်စီဖွဲ့စည်းရေးနှင့် ချင်းလဲန်း ဉပဒေပြုရေး၊ အုပ်ချုပ်ရေး၊ တရားစီရင်ရေး မဏ္ဏိုင် (၃)ရပ် ဖွဲ့စည်းတည်ထောင်ရေးတို့အတွက် ညီလာခံတစ်ရပ် ခေါ်ယူကျင်းပဖော်ဆော်ရန် သဘော်တူခဲ့ကြောင်း ထုတ်ပြန်ချက်မှာ ဖော်ပြပါတယ်။ တာ၀န်ပေးအပ်ခြင်းခံရသည့် […]
ထန်တလန်စစ်ဘေးရှောင် ၂နှစ်ပြည့်ကိုဆုတောင်းခြင်း အစီစဉ်နဲ့ကျင်းပ
ပြည်တွင်းနှင့် ပြည်ပမှာ ခိုလှုံနေထိုင်ကြသော ထန်တလန် စစ်ဘေးရှောင်များက ၎င်းတို့ခိုလှုံရာနေရပ်အသီးသီး၌ ထန်တလန်စစ်ဘေးရှောင်ခြင်း ၂နှစ်ပြည့်ကို ဆုတောင်းခြင်း အစီစဉ်များနဲ့ ကျင်းပပြုလုပ်ကြပါတယ်။ ဟားခါးမြို့မှာ ခိုလှုံနေထိုင်ကြသော ထန်တလန်စစ်ဘေးရှောင်များက စက်တင်ဘာ ၁၀ရက်နေ့မှာ ၎င်းတို့စစ်ဘေးရှောင်းခြင်း ၂နှစ်ပြည့်ကို ဆုတောင်းခြင်းနဲ့ ကျင်းပခဲ့သလို မီဇိုရမ်ပြည်နယ်၊ လောင်တလိုင်မြို့မှာလည်း ထန်တလန်စစ်ဘေးရှောင် ၂နှစ်ပြည့်ကို စက်တင်ဘာ ၁၆ရက်နေ့ ဒီကနေ့မှာ ၀က်ပြုဆုတောင်းခြင်း အစီစဉ်နဲ့ ပြုလုပ်ကြပါတယ်။ “အခုဆိုရင် ကျနော်တို့ စစ်ဘေးရှောင်ဘ၀နဲ့ နေလာတာ ၂နှစ်ရှိသွားပြီ။ အချိန်တွေကြာလာပေမယ့် ဘုရားသခင်ဟာ ကျနော်တို့နဲ့အတူ အမြဲတမ်းရှိတယ် ဆိုတာကို သတိရဖို့လိုအပ်ပါတယ်။ အဲဒါကြောင့် ထန်တလန်စစ်ဘေးရှောင် ၂နှစ်ပြည့်ကို ဆုတောင်းခြင်းနဲ့ ပြုလုပ်ခြင်းဖြစ်ပါတယ်” လို့ လောင်တလိုင်မြို့မှာ စစ်ဘေးရှောင်နေသော ထန်တလန် ဒေသခံ အမှုတော်ဆောင်တစ်ပါးက ပြောပါတယ်။ အောက်တိုဘာ ၂၉ရက်နေ့ […]
မတူပီမြို့နယ်ထဲ CNA တပ်ချမှုအပေါ် လက်ခံကြောင်း ပူးတွဲထုတ်ပြန်
ချင်းပြည်နယ်၊ မတူပီမြို့နယ်အတွင်းရှိ CDF-Matupi တပ်ရင်း (၂)နယ်မြေအတွင်း၌ ချင်းအမျိုးသားတပ်မတော် (CNA) တပ်စခန်းချမှုပေါ် လက်ခံကြောင်း CDF Matupi တပ်ရင်း (၂)၊ Global Cingtlang CDF Supporting Committee နဲ့ Cingtlang ပြည်သူ့အုပ်ချုပ်ရေးအဖွဲ့တို့က ယနေ့ စက်တင်ဘာ ၈ရက်နေ့တွင် ပူးတွဲထုတ်ပြန်ထားပါတယ်။ စစ်ရေးအရ အရေးပါသော ဟားခါး-မတူပီအကြား CDF-Matupi တပ်ရင်း (၂)နယ်မြေတွင် တပ်ချပေးရန် အကူအညီတောင်းခဲ့သည့်အတိုင်း CNF/CNA မှ တပ်ချမှုအပေါ် ၀မ်းမြောက်၀မ်းသာဖြစ်ရကြောင်း ထုတ်ပြန်ချက်မှာ ဖော်ပြထားပါတယ်။ CDF-Matupi တပ်ရင်း (၂)နယ်မြေတွင် CNA တပ်စခန်းတစ်ခုထားပေးရန်နဲ့ မတူပီမြို့နယ်အတွင်း စည်းရုံးရေးလုပ်မည်ဆိုပါက လူထုအကြားအမြင်ကွဲလွဲမှုများ ရှောင်ရှားနိုင်ရန်အတွက် CDF-Matupi ကို အကြောင်းကြားပေးရန် CDF-Matupi က CNA ကို […]
ZRA အဖွဲ့ကို လက်စားချေတိုက်ခိုက်မည်ဟု CDF-Tonzang ထုတ်ပြန်
အာဏာသိမ်းစစ်ကောင်စီနဲ့ လက်တွဲသော အိန္ဒိယနိုင်ငံ၊ မဏီပူရ်ပြည်နယ် အခြေစိုက် Zomi Revolutionary Army (ZRA) လက်နက်ကိုင်အဖွဲ့ကို လက်စားချေတိုက်ခိုက်မည်ဟု CDF-Tonzang က စက်တင်ဘာ ၅ရက်နေ့မှာ ထုတ်ပြန်ပါတယ်။ ZRA လက်နက်ကိုင်အဖွဲ့ဟာ အာဏာသိမ်းစစ်ကောင်စီတပ်နဲ့ လက်တွဲပြီး ဩဂုတ် ၃၁ ရက်နေ့တွင် CDF-Tonzang တပ်ဖွဲ့ရဲ့ ယာယီစခန်းကို သာလွန်အင်အားဖြင့် တိုက်ခိုက်ခဲ့ရာ CDF-Tonzang တပ်ဖွဲ့၀င် ပေါင်ကပ်ထန် ကျဆုံးခဲ့ပြီး လက်နက်တစ်ချို့ ဆုံးရှုံးခဲ့ရတယ်လို့ CDF-Tonzang ကဆိုပါတယ်။ CDF-Tonzang တပ်ဖွဲ့ဟာ ZRA ကို တိုက်ခိုက်ရန် ဖွဲ့စည်းထားသော တော်လှန်ရေးတပ်ဖွဲ့ မဟုတ်သော်လည်း စစ်ကောင်စီနဲ့ ပူးပေါင်းသော ZRA တပ်ဖွဲ့ကို အခြေအနေအရ မဖြစ်မနေလက်စားချေ တိုက်ထုတ်ရတော့မယ်လို့ ကြေညာထားပါတယ်။ CDF-Tonzang တပ်ဖွဲ့ဟာ Chinland […]
ချင်းပြည်နယ် စကစစခန်း ၉ခုကို ၂နှစ်အတွင်း သိမ်းပိုက်နိုင်ခဲ့ဟု NUG ထုတ်ပြန်
ချင်းပြည်နယ်အတွင်းရှိ စစ်ကောင်စီတပ်စခန်း ၉ခုကို ၂နှစ်အတွင်း သိမ်းပိုက်နိုင်ခဲ့တယ်လို့ အမျိုးသားညီညွတ်ရေးအစိုးရ (NUG) က ယနေ့စက်တင်ဘာ ၇က်နေ့မှာ ထုတ်ပြန်တဲ့ ခုခံတွန်းလှန်စစ် ၂ နှစ်ပြည့် အစီရင်ခံစာမှာ ဖော်ပြထားပါတယ်။ လက်နက်ကိုင် တော်လှန်ရေးစတင်ခဲ့တဲ့ ပထမနှစ်မှာ ချင်းပြည်နယ်အတွင်းရှိ စစ်ကောင်စီတပ်စခန်း တစ်ခုသာ သိမ်းပိုက်နိုင်ခဲ့သော်လည်း ဒုတိယနှစ်တွင် စစ်ကောင်စီစခန်း ၈ခုအထိ စီးနင်းသိမ်းပိုက်နိုင်ခဲ့တယ်လို့ ယနေ့ စက်တင်ဘာလ ၇ရက်နေ့တွင် ကျရောက်သော ခုခံတွန်းလှန်စစ် ၂နှစ်ပြည့် အစီရင်ခံစာမှာ ဖော်ပြထားပါတယ်။ စက်တင်ဘာလ ၂၀၂၁ ခုနှစ်မှ ဩဂုတ်လ ၂၀၂၂ အတွင်း ချင်းပြည်နယ်မှာ တိုတ်ပွဲပေါင်း ၃၀၄ကြီမ် ဖြစ်ပွားခဲ့ပြီး စက်တင်ဘာ၂၀၂၂ ခုနှစ်မှ ဩဂုတ်လ ၂၀၂၃ အတွင်း တိုက်ပွဲ ၂၄၉ ကြီမ်၊ စုစုပေါင်း တိုက်ပွဲ […]
CNA နဲ့ CDF တပ်ဖွဲ့၀င်များနဲ့အတူ တိုက်ပွဲ၀င်နေကြောင်း CDF-Hualngoram အသိပေး
ချင်းပြည်နယ် ရှေ့တန်းစစ်မျက်နှာများတွင် ချင်းအမျိုးသားတပ်မတော် (CNA) နဲ့ အခြား ချင်းနယ်မြေကာကွယ်ရေးတပ်ဖွဲ့ (CDF)များနဲ့အတူ စစ်ကောင်စီကို ခုခံတိုက်ခိုက်နေကြောင်း CDF-Hualngoram တော်လှန်ရေးတပ်ဖွဲ့က အသိပေးထုတ်ပြန်လိုက်ပါတယ်။ CDF-Hualngoram တပ်ဖွဲ့ရဲ့ ၆လအတွင်း စစ်ရေးလှုပ်ရှားမှုမှတ်တမ်းကို ဩဂုတ်လ ၃၁ရက်နေ့တွင် ထုတ်ပြန်ခဲ့ရာ အိန္ဒိယ-မြန်မာနယ်စပ် ရိဒ်ခေါ်ဒါရ်မြို့၊ ဟားခါး-ဖလမ်းအကြားကားလမ်းမ၊ တွန်းဇံမြို့၊ ဖလမ်းမြို့၊ သီမစ်နဲ့ ထန်တလန်မြို့တိုက်ပွဲများတွင် CNAနဲ့ အခြားတော်လှန်ရေးတပ်ဖွဲ့၀င်များနဲ့အတူ တိုတ်ပွဲ၀င်ခဲ့ပြီး တိုက်ပွဲအတွင်း CDF-Hualngoram ရဲ့ဘော် ၃ဦး ကျဆုံးကာ ၅ဦး ဒဏ်ရာရရှိတယ်လို့ ဖော်ပြထားပါတယ်။ ကလေးမြို့မှ ဟားခါးမြို့သို့ တက်လာသော စစ်ကောင်စီစစ်ကြောင်းကို မတ်လ ၁၀ရက်နေ့တွင် CDF-Hualngoram က မိုင်းဆွဲတိုက်ခိုက်ခဲ့သည့်အပြင် မတ်လ ၁၃၊ ၁၅နဲ့ ၁၆ရက်နေ့များတွင် ရိဒ်စစ်ကောင်စီ စခန်းကုန်းနဲ့ ရိဒ်အမှတ် (၂) […]
CDF-Tonzang စခန်းတစ်ခုကို စကစနဲ့ ZRA အဖွဲ့က သိမ်းပိုက်
ဩဂုတ်လ ၃၁ရက်နေ့ မနေ့ညနေပိုင်း ၃နာရီခွဲခန့်တွင် ချင်းပြည်နယ်၊ တွန်းဇံမြို့နယ်ထဲရှိ CDF-Tonzang တပ်ရင်း (၃)စခန်းကို စစ်ကောင်စီတပ်ဖွဲ့နဲ့ ၎င်းတို့ရဲ့လက်ပါးစေ မဏီပူရ်ပြည်နယ်အခြေစိုက် Zomi Revolutionar Army (ZRA) လက်နက်ကိုင်အဖွဲ့က စီးနင်းသိမ်းပိုက်ခဲ့ကြောင်း ZRA ရဲ့ ထုတ်ပြန်ချက်အရ သိရပါတယ်။ စခန်းသိမ်းပိုက်ခံရသည့် ကိစ္စနဲ့ပတ်သက်ပြီး CDF-Tonzang တပ်ရင်း (၃)ရဲ့ တပ်ရင်းမှူး Zo Mu Mung က အတည်ပြုထားပါတယ်။ “တတိယအကြိမ်တန်းဆင်းပွဲလုပ်တော့ နောက်တစ်ရက်မှာ တွန်းဇံမြို့စခန်းကိုတိုက်မလို့ အစီအစဉ်ဆွဲထားတော့ ကံဆိုးစွာနဲ့ ကျနော်တို့ ရဲဘော်တစ်ယောက်အရက်သောက်ပြီးထွက်ပြေးသွားတယ်။ တွန်းဇံမြို့ စစ်ကောင်စီတွေက သိသွားတော့ ညနေ ၃ နာရီခွဲလောက်မှာ လက်ဦးမှုရယူသွားတာပေါ့။ ၅မိနစ်အလိုမှာ သတင်းရထားတော့ ကံကောင်းသွားတယ်” လို့ Zo Mu Mung က […]
ထန်တလန်တိုက်ပွဲ စကစ ၂၈ဦးနဲ့ ချင်းပူးပေါင်းတပ်ဖွဲ့၀င် ၁၃ဦး ကျဆုံး
ဩဂုတ်လ ၂၈ရက်နေ့ မနေ့က ဖြစ်ပွားတဲ့ ချင်းပြည်နယ်၊ ထန်တလန်မြို့တိုက်ပွဲတွင် စစ်ကောင်စီတပ်သား ၂၈ဦး သေဆုံးခဲ့ပြီး ချင်းအမျိုးသားတပ်မတော် (CNA) နဲ့ CDF ပူးပေါင်းတပ်ဖွဲ့ဖက်တွင် ရဲဘော် ၁၃ဦး ကျဆုံးခဲ့ကြောင်း CNA ဖက်က ပြောပါတယ်။ CNA၊ CDF-Thantlang၊ CDF-Hakha၊ CDF-Zophei တပ်ဖွဲ့၀င်များက ထန်တလန်မြို့ စစ်ကောင်စီတပ်စခန်းကို နံနက် ၅နာရီအချိန်ခန့်တွင် စီးနင်းတိုက်ခိုက်ခြင်းဖြစ်ပြီး တိုက်ပွဲအတွင်း နှစ်ဖက် ထိခိုက်ဒဏ်ရာရမှုနဲ့ ကျဆုံးမှုတွေများခဲ့ပါတယ်။ ချင်းတော်လှန်ရေးပူးပေါင်းတပ်ဖွဲ့ဖက်တွင် ရဲဘော် ၁၃ဦး ကျဆုံးတယ်လို့ CNA ပြောရေးဆိုခွင့်ရှိသူ ဆလိုင်းထက်နီက ယနေ့မနက်ပိုင်းတွင်ပြုလုပ်တဲ့ ချင်းလဲန်းကလပ် အွန်လိုင်းတွေဆုံပွဲမှာ အတည်ပြု ပြောကြားခဲ့ပါတယ်။ အမည်မဖော်လိုတဲ့ CNA အရာရှိတစ်ဦးက “စစ်ကောင်စီဖက်မှာ ၂၈ဦး သေဆုံးတယ်လို့ သတင်းရတယ်။ ဒဏ်ရာရရှိတဲ့ စကစစစ်သား […]